په‌یامی ئێمه‌ بۆ وڵاتانی ناوچه‌که‌ ئاشتی و هاوڕێیه‌

جێگری فه‌رمانده‌یی ئه‌رته‌شی ئێران وتی: ئه‌مڕۆ ئه‌رته‌شی ئێران له‌ ڕووی مرۆڤی و ئامێره‌وه‌ ده‌ستکه‌وتی زۆر باشی هه‌بووه‌ و په‌یامی ئێمه‌ بۆ وڵاتانی ناوچه‌که‌ ئاشتی و هاوڕێیه‌. هێزی ئێمه‌ ته‌نیا بۆ به‌رگری له‌ سنووره‌کانمانه‌.

به ڕاپۆرتی ئاژانسی مێهر، ده‌ریادار حه‌بیبۆڵا سه‌یاری، جێگری فه‌رمانده‌یی ئه‌رتشی ئێران له‌ په‌ڕاوێزی ڕێوڕه‌سمی ڕژه‌ی ۲۹ی خاکه‌لێوه‌ وتی: ئه‌مڕۆ ده‌توانین بڵێین که‌ توانی سه‌ربازی و ئاماده‌یی به‌رگری ئه‌رته‌ش به‌ جێگه‌یه‌ک گه‌یشتووه‌ که‌ ئێمه‌ له‌ ڕه‌هه‌نده‌ جیاوازه‌کان له‌ سه‌ر پێی خۆمان ده‌وه‌ستین و به‌ توانی ناوخۆیی خۆمان ئاماده‌یی ڕووبه‌ڕوو بوونه‌وه‌ی هه‌موو جۆره‌ هه‌ڕه‌شه‌یه‌کمان هه‌یه‌.

ئه‌و زیادی کرد: له‌مڕۆدا ئه‌رتش له‌ ڕووی هێزی وشکانی و ئامێره‌ پێشکه‌وتووه‌کان توانی زۆر باشی هه‌یه‌ و په‌یامی ئێمه‌ش بۆ وڵاتانی ناوچه‌که‌ ته‌نیا ئاشتی و هاوڕێیه‌، هێزی سه‌ربازی ئێمه‌ش ته‌نیا بۆ به‌گری کردن له‌ سنووره‌کانمانه‌. ئێمه‌ هه‌رگیز له‌ دوای پاوانخوازی نه‌بووین و ناشبین.

شایانی باسه‌ که‌ ئه‌مڕۆ ۲۹ی خاکه‌لێوه‌ ڕژەی  ئه‌رته‌شی ئێران بوو که‌ هه‌ر ساڵ له‌م ڕۆژه‌دا ئه‌رته‌شی ئێران ڕژه‌ی سه‌رتانسه‌ری به‌ڕێوه‌ ده‌بات.

News Code 18169

نیشانەکان

بۆچوونی ئێوە

You are replying to: .
  • 1 + 7 =