ئه‌رتش به‌رده‌وام پشتیوانی ئێران بووه‌

سه‌رۆک کۆماری ئێران وتی: ئه‌رتش به‌رده‌وام به‌ دیسیپلین و ئامێره‌ نوێکان و ئاماده‌یی ته‌واو، به‌رده‌وام هێزی به‌رگریکاری ئێران بووه‌ و له‌ خاکی وڵاته‌که‌ی به‌رگری ته‌واو ده‌کات.

به ڕاپۆرتی ئاژانسی مێهر، حه‌سه‌ن ڕۆحانی، سه‌رۆک کۆماری ئێران له‌ ڕۆژی ئه‌رتشی ئێران وتی: له‌ سه‌ره‌تای شۆڕشی ئیسلامی ئێرانه‌وه‌ له‌ هه‌رکوێیه‌ک سه‌ربه‌رزییه‌ک خوڵقابێت ناوی ئه‌رتشی ئێرانی پیوه‌ بووه‌ و له‌گه‌ڵ سوپای پاسداران به‌شێک بوون له‌ هێزی به‌رگریکاری ئێران.

ئه‌و زیادی کرد: ئه‌رتشی ئێران به‌رده‌وام ئه‌م سێ ئه‌رکه‌ یاساییه‌‌ی خۆی له‌ بیر نه‌کردووه‌ که‌ پاراستنی یه‌کپارچه‌یی ئێران، کۆماری ئیسلامی و سه‌ربه‌خۆیی ئێرانه‌ و له‌ هه‌موو دۆخه‌ سه‌خت و ئاسته‌نگه‌کاندا له‌ ته‌نیشت خه‌ڵکی ئێران وه‌ستاوه‌.

ڕۆحانی هه‌روه‌ها وتی: له‌ ڕژیمی پێشوودا جار جار ناوی ئه‌رتشییه‌کانی ئێران ده‌هات له‌ فڵانه‌ گه‌نده‌ڵ ده‌ستیان بووه‌، به‌ڵام له‌مڕۆدا ناوی هیچ ژنراڵ و فه‌رمانده‌یه‌کی ئه‌رتش نابیسترێت که‌ له‌ گه‌نده‌ڵدا ده‌ستی بووبێت و ئه‌مه‌ش نیشانی ده‌دات که‌ تاکوو چ ڕاده‌یه‌ک ئه‌م هێزه‌ ئه‌خلاقیانه‌ و یاسایانه‌ هه‌ڵسه‌وکه‌وت ده‌کات.

ئه‌و زیادی کرد: له‌م ناوچه‌یه‌ وڵاتانی زلهێز به‌ پێچه‌وانه‌ی یاسای نێونه‌ته‌وییه‌کان له‌ کار و باری وڵاتانی دیکه‌ ده‌ستێوردان ده‌که‌ن، هه‌روه‌ها له‌ گرووپه‌ تیرۆریستییه‌کان بۆ به‌دی هاتنی ئامانجه‌کانی خۆیا سوود ده‌به‌ن. له‌ وه‌ها شوێنێکدا ئێمه‌ پێویستمان به‌ هێزی سه‌ربازی گه‌وره‌ و به‌ قوه‌ت هه‌یه‌.

سه‌رۆک کۆماری ئێران جه‌ختی کرد: هێزه‌کانی ئێمه‌ بێجگه‌ له‌ دابین کردنی ئه‌منیه‌ت بۆ ناوخۆی ئێران ڕۆڵی گه‌وره‌یان له‌ دابین کردنی سه‌قامگیر و ئاشتی له‌ ناوچه‌که‌ بووه‌.

ئه‌و ئاماژه‌ی دا: ئێمه‌ داوای ئاشتی و ژیانی پێکه‌وه‌ له‌ دراوسێکانی خۆمان ده‌که‌ین و پێیان ڕاده‌گه‌نین که‌ ئامێره‌ سه‌ربازییه‌کانی ئێمه‌ له‌ دژی هیچ وڵاتێکی ناوچه‌که‌ نییه‌، به‌ڵکو ته‌نیا بۆ پشتیوانی له‌ خۆمانه‌.

ڕۆحانی له‌ کۆتایدا جه‌ختی کرد که‌ ڕێگه‌چاره‌ی هه‌موو کێشه‌کانی ناوچه‌که‌ دانوستانه‌ و ئێمه‌ به‌رده‌وام ده‌بین له‌ به‌هێزبوونی خۆمان و هه‌وڵ ده‌ده‌ین خاڵه‌ ناکۆکه‌کان که‌م بکرێته‌وه‌.

News Code 18161

نیشانەکان

بۆچوونی ئێوە

You are replying to: .
  • 4 + 7 =