دەوڵەتی تورکیا گه‌ڵاڵه‌ی درێژه‌دان به‌ دۆخی نائاسایی واژۆ کرده‌وه‌

جێگری سه‌رۆک وه‌زیرانی تورکیا ڕایگه‌یاند که‌ ئه‌نجومه‌نی وه‌زیرانی تورکیا گه‌ڵاڵه‌ی درێژه‌دان به‌ دۆخی نائاسایی بۆ ۳ مانگی دیکه‌ واژۆ کرده‌وه‌.

به‌ ڕاپۆرتی ئاژانسی مێهر له‌ ئاناتۆلی، به‌کر بوزداغ، جێگری سه‌رۆک وه‌زیرانی تورکیا ڕایگه‌یاند که‌ ئه‌نجومه‌نی وه‌زیرانی تورکیا گه‌ڵاڵه‌ی درێژه‌دان به‌ دۆخی نائاسایی بۆ ۳ مانگی دیکه‌ واژۆ کرده‌وه‌ و ڕه‌وانه‌ی پارلمانی تورکیای کردووه‌.

بوزداغ زیادی کرد: ئامانجی درێژ کردنه‌وه‌ی دۆخی نائاسایی دژایه‌تی کردنی تیرۆریسته‌کانه‌ نه‌ک خه‌ڵکی ئاسایی و ئاشتی خواز.

ئه‌و هه‌روه‌ها وتی: ئه‌م گه‌ڵاڵه‌یه‌ له‌ ئه‌نجومه‌نی ئه‌منیه‌تی نه‌ته‌وه‌یی تورکیاوه‌ به‌ ده‌ستی ئێمه‌ گه‌یشت و ئه‌گه‌ر پارلمان ده‌نگی پێبدات تاکوو ۱۹ی ئاڤریل درێژ ده‌بێته‌وه‌.

شایانی باسه‌ که‌ ئه‌نجومه‌نی ئاسایشی نه‌ته‌وه‌یی تورکیا دوێنێ کۆبوونه‌وه‌یه‌کی به‌ سه‌رۆکایه‌تی ئه‌ردۆغان ئه‌نجام دا و له‌م کۆبوونه‌وه‌ دێژکردنه‌وه‌ی دۆخی نایاسایی واژۆ کرا.

له‌ ڕاگه‌یه‌ندراوی ئه‌نجومه‌نی ئاسایشی تورکیادا هاتووه‌: به‌ مه‌به‌ستی درێژه‌دان به‌ پاراستنی دیموکڕاسی و سه‌روه‌ری یاسای و مافی شارۆمه‌ندانی تورکیا بڕیاری درێژ کردنه‌وه‌ی دۆخی نایاسایی دراوه‌.

شایانی باسه‌ که‌ تورکیا بۆ یه‌که‌م جار له‌ ۲۰ی ژوئییه‌ی ساڵی ۲۰۱۶ و دوای کوده‌تاکه‌ی ساڵی ۲۰۱۶ دۆخی نائاسایی ڕاگه‌یاند که‌ تاکوو ئێسته‌ به‌رده‌وام بووه‌ و ئه‌ردۆغان له‌ ژێر چه‌تری دۆخی ناسایی توانیه‌تی زۆربه‌ی دژبه‌ره‌کنای خۆی ڕه‌وانه‌ی زیندان بکات یان له‌ کاری سیاسی دووریان بخاته‌وه‌.

News Code 18160

نیشانەکان

بۆچوونی ئێوە

You are replying to: .
  • 2 + 12 =