گه‌شتە ئاسمانییەکانی تاران - هه‌ولێر ده‌ست پێده‌کاته‌وه‌

کۆنسوولخانە‌ی کۆماری ئیسلامی ئێران له‌ هه‌ولێر وێرای بیرهێنانەوەی کاریگەریی ڕاستەوخۆی گەشتە ئاسمانییەکانی نێوان هەولێر – تاران لە سەر پەیوەندیی ئابووریی هەر دوولا، ڕایگه‌یاند: له‌ ڕۆژی ۷ی گوڵانه‌وه‌ گه‌شتە ئاسمانییەکانی نێوان تاران - هه‌ولێر ده‌ست پێده‌کاته‌وه‌.

بە ڕاپۆرتی ئاژانسی هەواڵی مێهر، مورته‌زا عه‌بادی کۆنسووڵی کۆماری ئیسلامی ئێران له‌ هه‌ولێر، وتیشی: گەشتی ئاسمانیی تاران – هەولێر ماوەیەک لەو پێش بە هۆی داخرانی گەشتە نێودەوڵەتییەکان لە فرۆکەخانەکانی هەرێمی کوردستان لە لایەن بەغداوە، داخرا. بەڵام لە ڕۆژی ۷ی گوڵانه‌وه‌ گه‌شتە ئاسمانییەکانی نێوان هه‌ولێر - تاران لە دوو رۆژی حەوتەدا (رۆژانی سێ‌شەممە و هەینی) به‌رده‌وام ده‌بێت و هه‌وڵی زیاد کردنی گه‌شته‌کانیش ده‌ده‌ین.

کونسووڵی ئێران له‌ هه‌ولێر سه‌باره‌ت به‌ گه‌شتی ئاسمانیی تاران – سلێمانیش وتی: گفتوگۆی باشمان له‌باره‌ی کرانه‌وه‌ی گه‌شتی ئاسمانیی نێوان تاران - سلێمانیش کردووه‌ و کۆمپانیا ئاسمانییه‌کان ئێستا خه‌ریکی ئه‌نجامدانی هه‌ماهه‌نگیی ته‌کنیکین و پاش بە ئەنجام گەیاندنی کاروباری پێویست ده‌ستبه‌جێ کرانه‌وه‌ی ئه‌و گه‌شتانه‌ش ڕاده‌گه‌یێندرێت.

لە دوای ڕیفراندۆمی ۲۵ی سێپتامبێر ساڵی ڕابردووی زایینی، ده‌وڵه‌تی فیدڕاڵی عێراق ده‌ستی دایه‌ سزادانی هه‌رێم و به‌و بۆنه‌شه‌وه‌ فڕۆکه‌خانه‌کانی هه‌ولێر و سلێمانی له‌ لایه‌ن حکوومه‌تی به‌غداوه‌ داخران و پاش گفتوگۆ و دانوستانی نێوان هه‌ولێر و به‌غدا، کرانه‌وه‌ی گه‌شته‌ نێودەوڵەتییەکان لە هەرێمەوە ڕاگه‌یێندرا.

News Code 18148

نیشانەکان

بۆچوونی ئێوە

You are replying to: .
  • 3 + 9 =