جارێکی دیکه‌ ئیسڕائیل به‌ مووشه‌ک سووریای پێکا

سه‌رچاوه‌ ناوچه‌ییه‌کانی سووریا ڕایانگه‌یاند که‌ دوێنێ شه‌و سیستمی دژه‌ مووشه‌کی سووریا چه‌ندین مووشه‌کی دیکه‌ی له‌ ئاسامنی حومس و دیمەشقدا کرده‌ نیشانه‌.

به ڕاپۆرتی ئاژانسی مێهر له‌ سانا، سه‌رچاوه‌ مێدیاییه‌کانی سووریا ڕایانگه‌یاند که‌ دوێنێ شه‌و چه‌ندین مووشه‌کی دیکه‌ به‌ره‌ حومس و دیمەشق  ته‌قێندراوه‌ته‌وه‌.

ئاژانسی سانا ڕایگه‌یاند که‌ دوێنێ شه‌و له‌ چه‌ندین سه‌رچاوه‌ی نه‌ناسراوه‌وه‌ مووشه‌ک به‌ره‌و حومس ته‌قێندراوه‌ته‌وه‌ که‌ به‌ هۆی سیستمی دژه‌ مووشه‌کی سووریا ئه‌م مووشه‌کانه‌ له‌ ئاسماندا پووچه‌ڵ کراونه‌ته‌وه‌.

ئامانجی سه‌ره‌کی ئه‌م مووشه‌کانه‌، فڕۆکه‌خانه‌ی شه‌عیرات له‌ حومسی سووریا بووه‌. هه‌روه‌ها فڕکه‌خانه‌ی سه‌ربازی زه‌میر له‌ دیمەشقیش کراوه‌ته‌ ئامانجی مووشه‌کی.

هه‌ر له‌مباره‌وه‌ وه‌زاره‌تی به‌رگری ئه‌مریکا ڕایگه‌یاند که‌ ئه‌م هێرشه‌ کاری ئه‌وان نه‌بووه‌ و له‌ ئێستادا هیچ پلانێکیان بۆ هێرش کردنه‌ سه‌ر سووریا نییه‌.

زیاتر له‌ ۶ مووشه‌ک له‌ بنکه‌ی ئاسمانی شه‌عیرات گیراوه‌ که‌ هه‌موو ته‌قێندراوه‌ته‌وه‌. هه‌روه‌ها ۳ مووشه‌کی دیکه‌ش له‌ بنکه‌ی سه‌ربازی زه‌میر گیراوه‌ که‌ ئه‌مانه‌ش له‌ ئاسماندا پووچه‌ڵ کراونه‌ته‌وه‌.

زانیارییه‌ سه‌ره‌تاییه‌کان وه‌ها نیشانی ده‌دات که‌ ئیسڕائیل جارێكی دیکه‌ به‌ فڕۆکه‌ هێرشی کردووه‌ته‌ سه‌ر سووریا و ئه‌م مووشه‌کانه‌ی له‌م دوو بنکه‌ سه‌ربازییه‌ گرتووه‌.

له‌ لایه‌کی دیکه‌وه‌ سوپای ئیسڕائیل به‌ ده‌یان تانک و زرێپۆشی سه‌ربازی له‌ به‌رزاییه‌کانی گوڵان جێگیر کردووه‌.

News Code 18127

نیشانەکان

بۆچوونی ئێوە

You are replying to: .
  • 4 + 8 =