داگیرکه‌ره‌کان مرۆڤایه‌تی هیچ به‌لایانه‌وه‌ گرنگ نییه‌

شێخ ئه‌حمه‌د به‌دره‌دین حه‌سون، موفتی باڵای سووریا له‌ میانه‌ی دیدار له‌گه‌ڵ لێژنه‌یه‌کی بریتانیایی وتی: ئه‌و ده‌وڵه‌تانه‌ی که‌ خه‌ڵکی ئێمه‌ بۆردمان ده‌که‌ن هیچ له‌ مرۆڤایه‌تی تێنگه‌یشتوون و بایه‌خی نییه‌ بۆیان.

به‌ ڕاپۆرتی ئاژانسی مێهر له‌ سانا، شێخ ئه‌حمه‌د به‌دره‌دین حه‌سون، موفتی باڵای سووریا له‌ میانه‌ی دیدار له‌گه‌ڵ لێژنه‌یه‌کی بریتانیایی وتی: خه‌ڵکی بریتانیا ده‌بێت ئاگاداری دۆخ و کێشه‌کانی خه‌ڵکی سووریا بن که‌ هه‌مووی به‌ هۆی شه‌ڕی تیرۆریسته‌کان و سیاسه‌تی پشتیوانی کردن له‌م تیرۆریستانه‌ دروست بووه‌.

ئه‌و ئاماژه‌ی دا که‌ سووریا له‌ ڕووی دینی و مێژووییه‌وه‌ گرنگییه‌کی زۆری هه‌یه‌ و جه‌ختی کرد: سووریا ڕۆڵی گرنگی له‌ په‌ره‌دان به‌ دینه‌ ئاسمانییه‌کان له‌ ئاستی ناوچه‌که‌ و جیهاندا بووه‌.

موفتی باڵای سوورییه‌کان ئاماژه‌ی دا: ئێوه‌ ژیانی خه‌ڵکی سووریاتان دی، هیوادارم به‌ ده‌وڵه‌ته‌کانی خۆتان ڕایبگه‌یه‌نن که‌ له‌ جێگه‌ی بڵاو کردنه‌وه‌ی کینه‌ و نه‌فره‌ت، پێکه‌وه‌ زیان و محه‌به‌ت بڵاو بکه‌نه‌وه‌.

له‌ لایه‌کی دیکه‌وه‌ لێژنه‌ به‌ریتانیاییه‌که‌ هاوخه‌می خۆیان بۆ خه‌ڵکی سووریا ڕاگه‌یاند له‌ شه‌ڕی دژ به‌ تیرۆرسیته‌کان و جه‌ختیان کرد که‌ ئه‌وه‌ی دیانه‌ به‌ خه‌ڵکی خۆیانی ڕاده‌گه‌یه‌نن.

شایانی باسه‌ که‌ دوێنێ ئه‌مریکا و هاوپه‌یمانه‌کانی به‌ بیانۆی هێرشی کیمیایی بۆ سه‌ر شاری دۆما چه‌ندین ناوچه‌ی وڵاتی سووریایان مووشه‌ک باران کرد له‌م هێرشه‌ 100 تاکوو 110 مووشه‌ک له‌ سووریا گیرا.

News Code 18082

نیشانەکان

بۆچوونی ئێوە

You are replying to: .
  • 4 + 7 =