هۆکاری هێرش بۆ سەر سووریا تووڕه‌یی له‌ شکستی تیرۆریسته‌کانه‌

سه‌رۆکی ئه‌رکانی هاوبه‌شی هێزه‌ سه‌ربازییه‌کانی ئێران وتی: هێرش بۆ سه‌ر سووریا به‌ هۆی تووڕه‌یی داگیرکاره‌کان له‌ شکستی تیرۆریسته‌کانه‌.

به‌ ڕاپۆرتی ئاژانسی مێهر، سه‌رله‌شکه‌ر محه‌مه‌د باقری، سه‌رۆکی ئه‌رکانی هاوبه‌شی هێزه‌ سه‌ربازییه‌کانی ئێران له‌گه‌ڵ عه‌لی ئه‌یوب، وه‌زیری به‌رگری سووریا ته‌له‌فوونی قسه‌ی کرد و سپاسی خۆڕاگری خه‌ڵک و ده‌وڵه‌تی سووریای کرد که‌ له‌ به‌رانبه‌ر تیرۆریسته‌کان ڕاوه‌ستاون.

ئه‌و ڕایگه‌یاند که‌ هاوپه‌یمانی ئه‌مریکا به‌ هۆی شکستی تیرۆریسته‌کان له‌ ڕووی هێزی وشکانییه‌وه‌ به‌ بیانۆی هێرشی کیمیایی ئه‌م هێرشه‌ مووشه‌کییه‌یان ئه‌نجام بووه‌ و تیرۆریسته‌کان شکستی ته‌واویان له‌ سووریا خواردووه‌ به‌ تایبه‌ت له‌ غوته‌ی ڕۆژهه‌ڵات.

باقری هه‌روه‌ها وتیشی: جه‌نایه‌تکاره‌کان هیچ سوودێک له‌م هێرشه‌ نابه‌ن، به‌ڵکوو خه‌ڵک و ده‌وڵه‌تی سووریاش له‌ به‌رانبه‌ر هێرشی دوژمنانی ناوخۆیی و بیانی یه‌کگرتووتر ده‌که‌ن. ئێران به‌رده‌وام ده‌بێت له‌ پشتیوانی کردنی وڵاتی سووریا و وه‌ک ڕابردوو درێژه‌ ده‌ده‌ین به‌ شه‌ڕی تیرۆریسته‌کان له‌ سووریا.

له‌ درێژه‌دا، عه‌لی ئه‌یوب، وه‌زیری به‌گری سووریایش سپاسی پشتیوانییه‌کانی ئێرانی کرد و وتی: هێرشه‌ داگیرکارییه‌که‌ی هاوپه‌یمانی ئه‌مریکا زیانی زۆری به‌ سووریا نه‌گایاندووه‌ و سیستمی دژه‌ مووشه‌کی سووریا مووشه‌کانی ئه‌مریکایان پێکاوه‌.

ئه‌و هه‌روه‌ها زیادی کرد: سه‌رنه‌که‌وتنی هێزه‌ ڕۆژئاواییه‌کان له‌م ئۆپراسیۆنه‌ بووه‌ته‌ هۆی ئه‌وه‌ی که‌ هێزه‌کانی سوپا و خه‌ڵکی سووریا دۆخی زۆر باشتریان له‌ ڕووی سیاسییه‌وه‌ له‌ سووریادا هه‌بێت و ئه‌م کاره‌ش هیچ ئاسته‌نگێک بۆ به‌ره‌ی خۆڕاگری و هێزه‌کانی سووریا له‌ شه‌ڕی دژ به‌ تیرۆریسته‌کان دروست ناکات و ده‌رکردنیان له‌ سووریا حه‌تمییه‌.

وه‌زیری به‌رگری سووریا له‌ کۆتایدا جه‌ختی کرد له‌ هاوکاری کردنی به‌رده‌وام له‌گه‌ڵ ئێران له‌ شه‌ڕی دژ به‌ تیرۆریسته‌کان.

News Code 18072

نیشانەکان

بۆچوونی ئێوە

You are replying to: .
  • 6 + 7 =