ئامانجی وڵاتانی ڕۆژئاوایی یارمه‌تیدانی تیرۆریسته‌کان بوو

وه‌زیری ده‌ره‌وه‌ی ڕووسیا جه‌ختی کرد که‌ ڕۆژئاوا له‌ ڕوو کردنی به‌ڵگه‌ی دروست سه‌باره‌ت به‌ هێرشه‌ کیمیاییه‌که‌ی دۆما خۆی لاده‌دات و ئامانجی ئه‌وانیش یارمه‌تی دانی تیرۆریسته‌کانه‌ تاکوو دووباره‌ خۆیان ڕێکبخه‌نه‌وه‌.

به‌ ڕاپۆرتی ئاژانسی مێهر له‌ سپۆنتیک، سێرگەی لاورۆف، وه‌زیری ده‌ره‌وه‌ی ڕووسیا به‌ ئیدانه‌ کردنی هێرشه‌ مووشه‌کییه‌کی ئه‌مریکا و هاوپه‌یمانه‌کانی بۆ سه‌ر دیمەشق وتی: ڕۆژئاواییه‌کان بۆ سه‌ڵماندنی هێرشه‌که‌ی خۆیان ته‌نیا ئاماژه‌ به‌ ڕاپۆرته‌ مێدیاییه‌کان ده‌که‌ن.

ئه‌و زیادی کرد: پووتین له‌ میانه‌ی په‌یوه‌ندییه‌کی ته‌له‌فوونی له‌گه‌ڵ ماکرۆن داوای کرد تاکوو به‌ڵگه‌کانی خۆیان بخه‌نه‌ ڕوو به‌ڵام ئه‌م داواییه‌ ڕه‌ت کرایه‌وه‌. ئه‌وه‌ی ڕۆژئاوا ئه‌نجامی ده‌دات داگیرکارییه‌ و یاسا نێونه‌ته‌وه‌ییه‌کانی پێشێل کردووه‌.

لاورۆف جه‌ختی کرد: ئامانجی سه‌ره‌کی له‌م هێرشه‌ بۆ سه‌ر سووریا ئه‌مه‌ بووه‌ که‌ تیرۆریسته‌کان مه‌جالێکی دووباره‌ بۆ خۆڕێکخستنه‌وه‌ بدۆزنه‌وه‌ و زیاتر خوێنڕێژی بکه‌ن چون ئه‌م هێرشانه‌ ڕیک کاتێک ئه‌نجام بوو که‌ هێزه‌کانی سووریا سه‌رکه‌وتنی باشیان له‌ دژی داعش و به‌ره‌ی نوسره‌ به‌ ده‌ست هێناوه‌.

ئه‌و زیادی کرد: ڕۆژئاوا له‌ ئان و ساتی لێکۆڵینه‌وه‌ له‌ هێرشه‌ کیمیاییه‌که‌ی دۆما ئه‌م هێرشانه‌ی ئه‌نجام دا تاکوو ئاسته‌نگ بۆ ئه‌م لێکۆڵینه‌وانه‌ دروست بکات.

لاورۆف جه‌ختی کرد: وێنه‌کانی هێرشی کیمیایی بۆ سه‌ر دۆما شانۆگه‌رییه‌ و ئه‌م کاره‌ش له‌ لایه‌ن به‌رهه‌ڵستکاره‌کانی سووریاوه‌ ئه‌نجام بووه‌.

News Code 18070

نیشانەکان

بۆچوونی ئێوە

You are replying to: .
  • 1 + 5 =