ئەمریکا هێرشی کردە سەر سووریا

دەزگاکانی ڕاگەیاندنی جیهان لە هێرشی مووشەکی ئەمریکا، بریتانیا و فەڕەنسا بۆ سەر وڵاتی سووریا ، فڕۆکەخانەی مزە، ناوەندی توێژینەوەکان لە بەرزە، جەمرایا و مەسیاف هەواڵیان داوە.

بە ڕاپۆرتی ئاژانسی هەواڵی مێهر، دۆناڵد ترامپ سەرۆک کۆماری ئەمریکا ڕایگەیاند: هێرشی سەربازیمان بۆ سەر بنکە سەربازیەکانی سوریا دەست پێکرد بە هاوکاری فەرەنسا و بەریتانیا.

دۆناڵد ترامپ سەرۆک کۆماری ئەمریکا چەند خولەکێک پێش ئێستا لە کۆنفرانسێکی رۆژنامەنوسیدا ڕایگەیاند: هەموو هێرشە سەربازیەکان بۆ سەر شاری دیمەشق دەستپێکردووە.

ڕاشگەیاند: هێرشەکانمان دیاریکراو و ورد دەبێت بۆ سەر  تەواوی بنکە سەربازیەکانی سوریا.

لە پاساوی ئەم هێرشەدا "جۆزیف دانفۆرد سەرکردەی لیژنەی ئەرکانی هاوبەشی ئەمریکا  لە کۆنفرانسێکی ڕۆژنامەونیدا ڕایگەیاند، چەکی کیمایی و بایلۆژی لە دژی هاوڵاتیانی غوتەی رۆژهەڵات بەکارهێنراوە لە هەفتەی ڕابردوودا، ئێمە بە هیچ شێوەیەک رێگە نادەین چەکی کیمایی بەکاربهێنرێت دژی هاوڵاتیانی مەدەنی."

وتیشی: ئەمریکا و هاوپەیمانەکانی لە هێرشەکانیان بەردەوام دەبن هەتا سوریا دەستبەرداری چەکە کیماییەکانی دەبێت.

ئەوەشی خستەڕوو، ئەو وڵاتانەی کە ئیمزایان لەسەر ئەوە کردبوو کە نابێت چەکی کیمایی بەکاربهێنرێت، دەبێت ئێستا بریار بدەن چونکە ئەمە مەترسیە بۆ سەر هەموو جیهان.

پاگەندەی ئەوەشی کردووە کە "هێرشەکانمان بۆ سەر ئەو شوێنانەیە کە سوپای سوریا و چەکی کیمایی تێدایە ، زیان بە سوپای ڕووسیا ناگات بەڵام لە هەمانکاتدا  ئێمە هیچ رێکەوتنێکمان نەکردووە لەگەڵ حکومەتی ڕووسیا سەبارەت بەم ئۆپراسیۆنە."

News Code 18034

نیشانەکان

بۆچوونی ئێوە

You are replying to: .
  • 8 + 2 =