هێرشی پەكەكە  بۆ سەر سوپای توركیا لە هەرێمی کوردستان

هێزەکانی پارتی كرێكارانی كوردستان لە ناوچەی برادۆست لە هەرێمی کوردستان لە دژی سوپای توركیا چالاكییان ئەنجام دا و لەو چالاكییەدا چەندین سەربازی توركیا كوژراو ‌و بریندار بوون.

بە ڕاپۆرتی ئاژانسی هەواڵی مێهر بە گێرانەوە لە شارپرێس، هێرشەکانی دەوڵەتی توركیا بۆ سەر ناوچەی برادۆست لە هەرێمی کوردستان بەردەوامە و هێزەکانی پەکەکەش تا ئێستا چەندین چالاكیان لە دژی هێرشی دەوڵەتی توركیا ئەنجام داوە و بە هۆی ئەو چالاكییانەوە چەندین سەربازی سوپای توركیا كوژراو و بریندار بوون.

هاوکات سەرچاوە خۆجێیەکان ئاماژەیان بەوە داوە کە هێزەکانی هەپەگە نیوەڕۆی دوێنێ بە چەكی قورس هێرشیان كردۆتە سەر گردی چیادێلێ لە ناوچەی برادۆست لە نزیك شارۆچكەی سیدەكان لە پارێزگای هەولێر و لەو هێرشەدا چەندین سەربازی توركیا كوژراو و بریندار بوونە.

هەروەها بە گوێرەی ئەو هەواڵانە، سوپای تورکیا پاش پەلاماری هێزەکانی پەکەکە، بە کۆپتەرەوە چۆتە ئەو هەرێمە و سەربازە بریندار و كوژراوەكانیان گواستۆتەوە.

دوێنێش لە گردی لێلیكان لە ناوچەی برادۆست چالاكییەكی تر لە دژی سوپای توركیا ئەنجام درا و بەو هۆیەوە ٤ سەربازی توركیا كوژرا و ٥ سەربازی دیکەیش بریندار بوون.

News Code 18030

نیشانەکان

بۆچوونی ئێوە

You are replying to: .
  • 1 + 5 =