٤٥ هه‌زار که‌س له‌ نه‌ورۆز له‌ باشماغه‌وه‌ هاتوچووۆیان کردووه‌

جێگری ئاودانکاری پارێزگاری کوردستان وتی: زیاتر له‌ ۴۵ هه‌زار که‌س له‌ نه‌ورۆزی ئه‌مساڵ له‌ باشماغه‌وه‌ هاتوچووۆیان کردووه‌.

به‌ ڕاپۆرتی ئاژانسی مێهر، ئه‌میر قادری، جێگری ئاوەدانکاریی پارێزگاری کوردستان سه‌باره‌ت به‌ هاتوچووی شارۆمه‌ندانی ئێرانی  و هه‌رێمی کوردستان وتی: زیاتر له‌ ۴۵ هه‌زار که‌س له‌ نه‌ورۆزی ئه‌مساڵ له‌ باشماغه‌وه‌ هاتوچووۆیان کردووه‌.

ئه‌و زیادی کرد: له‌ ۲۷ی ڕه‌شه‌مێ به‌ملاوه‌ تاکوو ۱۷ی خاکه‌لێوه‌ی ئه‌مساڵ ۵۳۳ هه‌زار و ۶۶۴ که‌س له‌ ڕێگه‌ی وشکانی و ۲ هه‌زار و ۳۹۰ که‌سیش له‌ ڕێگه‌ی فڕۆکه‌خانه‌ی سنه‌وه‌ هاتوونه‌ته‌ کوردستان.

قادری ئاماژه‌ی دا: به‌ نیسبه‌ت ساڵی ڕابردوو ۴۸ له‌ سه‌د هاتنی گه‌شتیار له‌ ڕێگه‌ی وشکانی بۆ پارێزگای کوردستان ئه‌مساڵ زیادی کردووه‌. له‌م ڕێژه‌یه‌ ۱۴۹ هه‌زار که‌س له‌ خوێندنگاکان، ۲۹ هه‌زار و ۱۵۴ که‌س له‌ ئۆتێله‌کان، ۱۱ هه‌زار و ۴۸۸ که‌س له‌ میوان خانه‌کان و ۹۴ هه‌زار و ۸۳۸ که‌سیش له‌ که‌مپه‌ کاتییه‌کان جێگیر بوون

وتیشی : به‌ پێی سنووری بوونی کوردستان زیاتر له‌ ۴۵ هه‌زار که‌سیش له‌ سنووری باشماخه‌وه‌ هاتوچووی ئێران و هه‌رێمیان کردووه‌ که‌ به‌ نیسبه‌ت ساڵی ڕابردوو ۱۵ له‌ سه‌د زیادی کردووه‌.

ئه‌و جه‌ختی کرد: هه‌موو هه‌وڵی ئێمه‌ و به‌رپرسانی پارێزگاکه‌ ئه‌وه‌ بووه‌ که‌ ئاستی گه‌شتیاری کوردستان به‌ تایبه‌ت له‌ میانه‌ی نه‌ورۆز و جه‌ژنه‌کانی نه‌ورۆز به‌رز بکه‌ینه‌وه‌، ئه‌مه‌ش بێ گومان ده‌بێته‌ هۆی به‌رز بوونه‌وه‌ی داهات بۆ خه‌ڵکی کوردستان. به‌ نیسبه‌ت ساڵی ڕابردوو هاتنی خه‌ڵکی بیانی بۆ کوردستان ۳۸ له‌ سه‌د له‌ نه‌ورۆزی ئه‌مساڵ زیادی کردووه‌.

News Code 18028

نیشانەکان

بۆچوونی ئێوە

You are replying to: .
  • 5 + 5 =