بڕیاری کۆتایی سه‌باره‌ت به‌ هێرش بۆ سه‌ر سووریا نەدراوە

وته‌بێژی کۆشکی سپی ڕایگه‌یاند که‌ ده‌وڵه‌تی ئه‌مریکا هێشتا بڕیاری کۆتایی سه‌باره‌ت به‌ هێرشی سه‌ربازی بۆ سه‌ر سووریا نه‌داوه‌.

به ڕاپۆرتی ئاژانسی مێهر، سارا سه‌ندرز، وته‌بێژی کۆشكی سپی له‌ کۆنفڕاسی مێدیایی کۆشکی سپی ڕایگه‌یاند: دۆناڵد ترامپ، سه‌رۆک کۆماری ئه‌مریکا، وڵاتانی ڕووسیا و سووریا به‌ به‌رپرسی هێرشه‌ کیمیاییه‌که‌ی شاری دۆما ده‌زانێت.

ئه‌و زیادی کرد: ئێمه‌ به‌رده‌وامین له‌ لێکدانه‌وه‌ی هه‌موو بژارده‌کان له‌ دژی سووریا.

سه‌ندرز ئاماژه‌ی دا که‌ بژارده‌ی سه‌ربازی زۆر سه‌باره‌ت به‌ سووریا له‌ به‌رده‌ست دایه‌ به‌ڵام واشنتۆن ‌هێشتا هیچ بڕیارێکی له‌مباره‌وه‌ نه‌داوه‌.

ئه‌و له‌مباره‌وه‌ وتی: ئێمه‌ په‌یوه‌ندیمان له‌گه‌ڵ هاوپه‌یمانه‌کانی خۆمان وه‌ک ئیسڕائیل و سعوودییه‌ و فه‌ڕه‌نسا هه‌بووه‌ و له‌ چه‌ندین قۆناغدا گفتوگۆمان کردووه‌.

وته‌بێژی کۆشکی سپی ڕایگه‌یاند که‌ ڕووسیا به‌رپرسی هێرشه‌ کیمیاییه‌که‌ی سووریایه‌ چون ئه‌م وڵاته‌ گه‌ره‌نتی دابوو که‌ هێرشی کیمیایی له‌ سووریا دووباره‌ نابێته‌وه‌.

News Code 18009

نیشانەکان

بۆچوونی ئێوە

You are replying to: .
  • 8 + 3 =