پێشانگای وێنه‌ی خه‌ڵاتی ماف له‌ سنه‌ به‌ڕێوه‌ چوو

پێشانگایه‌ک له‌ وێنه‌ هه‌ڵبژێردراوه‌کانی دووهه‌مین ساڵانه‌ی خه‌ڵاتی ماف بۆ جیهانی پاک کراو له‌ مینه‌کان له‌ گه‌له‌ری هونه‌ری سنه‌ به‌ڕێوه‌ چوو.

به‌ ڕاپۆرتی ئاژانسی مێهر، پێشانگایه‌ک له‌ وێنه‌ هه‌ڵبژێردراوه‌کانی دووهه‌مین ساڵانه‌ی خه‌ڵاتی ماف بۆ جیهانی پاک کراو له‌ مینه‌کان له‌ گه‌له‌ری هونه‌ری سنه‌ به‌ڕێوه‌ چوو.

به‌ پێی ئه‌م ڕاپۆرته‌، ئه‌م پێشانگایه‌ تاکوو ۲۴ی خاکه‌لێوه‌ درێژه‌ی هه‌یه‌.

دووهه‌مین خه‌ڵاتی ماف بۆ جیهانی بێ مین له‌ ۳ به‌شی وێنه‌، فیلم و لێکۆڵینه‌وه‌ به‌ هۆی ڕۆژی جیهانی ئاگادارکردنه‌وه‌ له‌ مه‌ترسییه‌کانی مین له‌ کوردستان به‌ڕێوه‌ چوو.

له‌ به‌شی وێنه‌ زیاتر له‌ ۳۶۰ وێنه‌ له‌ ۳۵ وێنه‌گری کورد به‌ ده‌بیرخانه‌ی ئه‌م فستیڤاڵه‌ گه‌یشتووه‌ که‌ ۳۶ وێنه‌یان بۆ کێبه‌رکێ کردن له‌م فستیڤاڵه‌ هه‌ڵبژێردراون.

داوه‌ره‌کانی به‌شی وێنه‌ بریتی بوون له‌ مه‌هدی مونه‌عم، سامان عه‌باسی، یه‌لدا موعیر و جه‌مشید فه‌ره‌ج وه‌ند.

له‌ نێوان ئه‌م ۳۶ وێنه‌ که‌ له‌م پێشانگایه‌ش نمایش کراون، دواجار ۴ وێنه‌ هه‌ڵده‌بژێردرێت و خه‌ڵاتی دووهه‌مین فستیڤاڵی ماف پێشکه‌شیان ده‌کرێت.

News Code 17989

نیشانەکان

بۆچوونی ئێوە

You are replying to: .
  • 3 + 0 =