کاتی ڕاده‌ست کردنه‌وه‌ی عه‌فرین ئێمه‌ دیاری ده‌که‌ین نه‌ک لاڤرۆف

سه‌رۆک کۆماری تورکیا له‌ میانه‌ی قسه‌کانی خۆی پاگه‌نده‌ی کرد: هه‌ر کات پێویست بکات، عه‌فرین ڕاده‌ستی خه‌ڵک ده‌که‌ینه‌وه‌، کاتی ئه‌مه‌ش ئێمه‌ دیاری ده‌که‌ین نه‌ک لاورۆف.

به‌ ڕاپۆرتی ئاژانسی مێهر له‌ ئاناتۆلی، ڕه‌جه‌ب ته‌یب ئه‌ردۆغان، سه‌رۆک کۆماری تورکیا دوێنێ ۳ شه‌مه‌ و له‌ میانه‌ی قسه‌کانیدا وتی: پێویست بکات، عه‌فرین ڕاده‌ستی خه‌ڵک ده‌که‌ینه‌وه‌، کاتی ئه‌مه‌ش ئێمه‌ دیاری ده‌که‌ین نه‌ک لاورۆف.

سه‌رۆک کۆماری تورکیا له‌ کاردانه‌وه‌ به‌ قسه‌کانی سێرگەی لاڤرۆف، وه‌زیری ده‌ره‌وه‌ی ڕووسیا سه‌باره‌ت به‌ عه‌فرین پاگه‌نده‌ی کرد: ئه‌و زۆر هه‌ڵه‌ ده‌کات، ئێمه‌ به‌ باشی ده‌زانین که‌ عه‌فرین له‌ ژێر ده‌ستی چ لایه‌نێک دایه‌.

ئه‌ردۆغان بێ ئه‌وه‌ی ئاماژه‌ به‌م بابه‌ته‌ بکات که‌ هێرشی سه‌ربازی تورکیا بۆ سه‌ر سووریا پێچه‌وانه‌ی یاسای نێونه‌ته‌وه‌ییه‌کانه‌، درێژه‌ی دا: تاکوو له‌ ناو بردنی هه‌موو تیرۆریسته‌کان درێژه‌ به‌م شه‌ڕه‌ ده‌ده‌ین.

شایانی باسه‌ که‌ سوپای تورکیا له‌ ۳۰ سه‌رماوه‌زدا هێرشی داگیرکاری بۆ سه‌ر شاری عه‌فرین ده‌ست پێ کرد و دوای ۵۸ ڕۆژ خۆڕاگری کوردی سووریا ئه‌م شاره‌ی داگیر کرد، حکومه‌تی سووریا دژی ئه‌م هێرشه‌ بوو.

لاڤرۆف ڕایگه‌یاند بوو که‌ کاتی ئه‌وه‌ هاتووه‌ ئه‌نقه‌ره‌ عه‌فرین ڕاده‌ستی ده‌میشق بکاته‌وه‌، به‌ڵام تورکیا ئه‌م داواکارییه‌ی ڕه‌ت کرده‌وه‌.

News Code 17987

نیشانەکان

بۆچوونی ئێوە

You are replying to: .
  • 8 + 10 =