هاوکاری ئێران و ڕووسیا تا جێگیر بوونی ئه‌منیه‌ت له‌ سووریا درێژه‌ی ده‌بێت

سه‌رۆک کۆماری ئێران وتی: په‌یوه‌ندی دوو قۆڵی، ناوچه‌یی و جیهانی ئێران و ڕووسیا له‌ میانه‌ی چه‌ند ساڵی دوایی به‌ باڵاترین ئاستی خۆی گه‌یشتووه‌.

به‌ ڕاپۆرتی ئاژانسی مێهر، حه‌سه‌ن ڕۆحانی، ڕۆژی دووشه‌مه‌ له‌ میانه‌ی دیدار له‌گه‌ڵ ڤیاچسلاو واڵدین، سه‌رۆکی دۆمای ڕووسیا وتی: له‌م ساڵانه‌ هه‌ر بار که‌ له‌گه‌ڵ پووتین دیدارمان کردووه‌ هه‌نگاوێکی به‌ره‌و پێشی باشمان هه‌ڵگرتووه‌. هه‌ر دوو وڵات له‌ ڕووی وزه‌ی ئاشتیانه‌، نه‌وت و گاز و بابه‌تی بانکی و بازه‌رگانی هاوکاری زۆر به‌ربڵاویان هه‌یه‌ و ئه‌م هاوکاریانه‌ش ده‌بێت زیاتر به‌رز ببێته‌وه‌.

ئه‌و زیادی کرد: په‌یوه‌ندی نێوان ئێران و ڕووسیا سه‌باره‌ت به‌ سووریا زۆر پڕبایه‌خ بووه‌ و کاریگه‌ری باشی به‌ سه‌ر ئاشتی و سه‌قامگیری ئه‌منیه‌ت له‌ سووریا بووه‌، ده‌بێت ئه‌م هاوکاریانه‌ تاکوو جێگیر بوونی ئه‌منیه‌ت له‌ سووریا درێژه‌ی هه‌بێت. ئه‌وه‌ی که‌ وڵاتانی ڕۆژئاوای بیانۆ به‌ ڕووسیا ده‌گرن و ئاسته‌نگ بۆ مسکۆ هه‌ڵده‌گرن بۆ ئێمه‌ به‌ ته‌واوی ڕوونه‌، ئه‌م ئاسته‌نگانه‌ بۆ ئێران به‌رده‌وام ساز ده‌کرێت و بۆ ڕووبه‌ڕوو بوونه‌وه‌یان ده‌بێت پێکه‌وه‌ هاوکاری زیاترمان هه‌بێت.

ڕۆحانی جه‌ختی کرد: ئێران هاوکاری نێوان تاران و مسکۆ له‌ ناوچه‌که‌ و جیهان به‌ گرنگ ده‌زانێت که‌ له‌ به‌رژه‌وه‌ندی هه‌موو جیهانه‌. پارلمانه‌کانی ئێران و ڕووسیا ده‌توانن ڕؤڵی زۆر گرنگیان له‌ په‌ره‌دان به‌ هاوکارییه‌کانی هه‌ر دوولادا ببێت.

لای خۆیه‌وه‌ ڤیاچسلاو واڵدین، سه‌رۆک دۆماری ڕووسیا له‌م دیداره‌ وتی: په‌ره‌ سه‌ندنی هاوکاری نێوان ئێران و ڕووسیا له‌م چه‌ند ساڵی ڕابردووه‌ زۆر باش بووه‌ و ده‌ستکه‌وتی زۆر باشیشی بۆ هه‌ر دوولا بووه‌. پارلمانی ڕووسیا له‌ ڕووی یاساییه‌وه‌ له‌م هاوکاریانه‌ پشتیوانی ده‌کات.

ئه‌و هه‌روه‌ها زیادی کرد: ئێران و ڕووسیا پرسی هاوبه‌شیان له‌ ناوچه‌که‌ هه‌یه‌ و ئه‌مه‌ش وا ده‌کات زیاتر له‌ ڕابردوو پێکه‌وه‌ هاوکاری بکه‌ین.

News Code 17954

نیشانەکان

بۆچوونی ئێوە

You are replying to: .
  • 5 + 0 =