ترامپ بڕیاری گرنگ سه‌باره‌ت به‌ سووریا ده‌دات

سه‌رۆک کۆماری ئه‌مریکا ڕایگه‌یاند که‌ چاره‌نووسی سووریا تاکوو ۴۸ کاتژمێری دیکه‌ ڕوون ده‌کرێته‌وه‌ و بڕیاری گرنگ ده‌درێت.

به‌ ڕاپۆرتی ئاژانسی مێهر، دۆناڵد ترامپ، سه‌رۆک کۆماری ئه‌مریکا دوێنێ دووشه‌مه‌ ڕایگه‌یاند: له‌ میانه‌ی ۲۴ تاکوو ۴۸ کاتژمێری دیکه‌ سه‌باره‌ت به‌ هێرشه‌ کیمیاییه‌که‌ی سووریا بڕیاری گرنگ ده‌درێت.

ترامپ دوای دیدار له‌گه‌ڵ به‌رپرسانی سه‌ربازی ئه‌مریکا وتی: سه‌باره‌ت به‌ سووریا بڕیاری گرنگ ده‌ده‌ین. کردنه‌ ئامانجی که‌سانی سڤیل کارێکی زۆر ناشرینه‌ و هه‌موو بژارده‌کان له‌ به‌رده‌ست دایه‌.

ئه‌و هه‌روه‌ها وتی: دواجار تێده‌گه‌ین ئه‌م هێرشه‌ کاری ئێران، ڕووسیا و یان ڕژیمی سووریا بووه‌ یان کاری هه‌موویان پێکه‌وه‌ بووه‌. 

شایانی باسه‌ که‌ پێشتر ترامپ له‌ میانه‌ی تویتێکدا نووسی: سه‌رۆک کۆماری پووتین، ڕووسیا و ئێران به‌رپرسی پشتیوانی له‌ ئه‌سه‌دی ئاژه‌ڵن. ئه‌وان تاوانی ئه‌م کاره‌ به‌‌ سه‌خت‌ی د‌ه‌کێشن.

هه‌ر له‌مباره‌وه‌ ئانتۆنیۆ گوترش، ئه‌مینداری گشتی ئاماژه‌ی دا که‌ نه‌ته‌وه‌ یه‌کگرتووه‌کان ناتوانێت هێرشه‌ کیمیاییه‌که‌ی سه‌ر دۆما پشت ڕاست بکاته‌وه‌.

ڕۆژی شه‌مه‌ به‌ هۆی هێرشێکی کیمیاییه‌وه‌ ۷۵ که‌س کوژران و ۱۰۰ که‌سی دیکه‌ش بریندار بوون.

News Code 17952

نیشانەکان

بۆچوونی ئێوە

You are replying to: .
  • 1 + 3 =