پێنتاگۆن بژارده‌ سه‌ربازییه‌کان له‌ دژی سووریای پێشکه‌شی ترامپ کرد

له‌ کۆبوونه‌وه‌ی دوێنێ شه‌وی ئه‌نجومه‌نی ئه‌منیه‌تی نه‌ته‌وه‌یی ئه‌مریکا، پێنتاگۆن به‌ بیانۆی هێرشی کیمیایی بۆ سه‌ر دۆما له‌ سووریا، بژارده‌ سه‌ربازییه‌کانی له‌ دژی ده‌میشق ڕاده‌ستی ترامپ کرد.

به‌ ڕاپۆرتی ئاژانسی مێهر له‌ ئای ۲۴، ئه‌نجومه‌نی ئه‌منیه‌تی نه‌ته‌وه‌یی ئه‌مریکا دوێنێ شه‌و له‌گه‌ڵ دۆناڵد ترامپ به‌ هۆی هێرشی کیمیایی بۆ سه‌ر دۆمای سووریا کۆبوویه‌وه‌.

به‌ پێی لێدوانی مێدیاکان، وه‌زاره‌تی به‌رگری ئه‌مریکا له‌م کۆبوونه‌وه‌یه‌ بژارده‌ سه‌ربازییه‌کان له‌ دژی سووریای ڕاده‌ستی ترامپ کردووه‌.

ئه‌مه‌ له‌ حاڵێک دایه‌ که‌ ئانتۆنیۆ گوترش، ئه‌مینداری گشتی نه‌ته‌وه‌ی یه‌کگرتووه‌کان چه‌ند کاتژمێر پێش ئێستا ڕایگه‌یاند که‌ ئه‌م ڕێکخراوه‌یه‌ ناتوانێت دان به‌و ڕاپۆرتانه‌دا بنێت که‌ سه‌باره‌ت به‌ هێرشی کیمیایی بۆ سه‌ر دۆما له‌ سووریا بڵاو بووه‌ته‌وه‌.

شایانی باسه‌ که‌ وه‌زاره‌تی به‌رگری ڕووسیا ڕۆژی شه‌مه‌ هۆشداری دابوو که‌ گرووپه‌ تیرۆریستییه‌کانی وه‌ک جه‌یشول ئیسلام و سوپای ئازاد له‌ دوای به‌کارهێنانی چه‌کی کیمیایی له‌ شاری دۆمای له‌ غوته‌ی ڕۆژهه‌ڵاتن.

News Code 17933

نیشانەکان

بۆچوونی ئێوە

You are replying to: .
  • 6 + 6 =