هێرشی مووشه‌کی ئه‌مریکا بۆ سه‌ر بنکه‌یه‌کی سه‌ربازی سووریا

مێدیاکانی سووریا ڕایانگه‌یاند که‌ ئه‌مریکا هیرشی مووشه‌کی کردووه‌ته‌ سه‌ر بنکه‌ی سه‌ربازی ته‌یفوور له‌ ڕۆژهه‌ڵاتی حومس و کاردانه‌وه‌ی سیستمی به‌رگری ده‌میشقیشی به‌دواوه‌ بووه‌.

به‌ ڕاپۆرتی ئاژانسی مێهر، سه‌رچاوه‌یه‌کی مه‌یدانی به‌ سپۆنتیکی ڕووسیای ڕاگه‌یاند: سیستمی به‌رگری سووریا توانیه‌تی وڵامی بڕێک له‌ مووشه‌که‌کانی ئه‌مریکا له‌ هێرش بۆ سه‌ر بنکه‌ی سه‌ربازی ته‌یفور بداته‌وه‌.

ئه‌و زیادی کردووه‌: هێزه‌کانی به‌رگری سووریا لانی که‌م ۸ مووشه‌کیان له‌ ئاسماندا ته‌قاندووه‌ته‌وه‌ که‌ ده‌وترێت ئه‌م مووشه‌کانه‌ ئه‌مریکایی بوون.

ئاژانسی هه‌واڵی سانای سووریاش ڕایگه‌یاند که‌ ئه‌م هێرشه‌ هیچ زیانێکی گیانی به‌دواوه‌ نه‌بووه‌. ته‌له‌فیزیۆنی سووریاش ڕاپۆرتی دا که‌ لانی که‌م ۵ مووشه‌کی تۆماهۆکی ئه‌مریکایی له‌ ده‌ریاوه‌ له‌ بنکه‌ی سه‌ربازی T۴ له‌ حومس گیراوه‌.

ئه‌مه‌ له‌ حاڵێک دایه‌ که‌ وته‌بێژی پێنتاگۆن ئه‌م ڕاپۆرته‌ی ڕه‌ت کردووه‌ته‌وه‌، پێشتر دۆناڵد ترامپ، سه‌رۆک کۆماری ئه‌مریکا هه‌ڕه‌شه‌ی کردبوو که‌ به‌شار ئه‌سه‌د به‌ هۆی کیمیابارانی دۆماوه‌ سزای سه‌خت وه‌رده‌گرێت. ئه‌مه‌ له‌ حاڵێک دایه‌ که‌ زۆربه‌ی وڵاتانی جیهان ئه‌م هێرشه‌ کیمیاییه‌یان پشت ڕاست نه‌کردووه‌ته‌وه‌.

News Code 17925

نیشانەکان

بۆچوونی ئێوە

You are replying to: .
  • 9 + 8 =