ده‌توانین پیتاندنی ۲۰ له‌ سه‌دی ئۆرانیۆم له‌ ۴ ڕۆژدا ئه‌نجام بده‌ین

سه‌رۆکی ڕێکخراوی وزه‌ی ناڤۆکی ئێران وتی: ئه‌گه‌ر له‌ به‌رپرسانی باڵای وڵاته‌وه‌ فه‌رمان بێت، ده‌توانین له‌ ماوه‌ی ته‌نیا ۴ ڕۆژدا پیتاندنی ۲۰ له‌ سه‌دی ئۆرانیۆم ده‌ست پێ بکه‌ینه‌وه‌.

به‌ ڕاپۆرتی ئاژانسی مێهر، عه‌لی ئه‌کبه‌ر ساڵحی دوای ئاماده‌ بوون لێژنه‌ی وزه‌ی ناڤۆکی مه‌جلیسی ئێران سه‌باره‌ت به‌ گه‌ڕانه‌وه‌ بۆ دۆخی به‌ر له‌ به‌رجام وتی: ئێمه‌ له‌ درێژه‌ی دانوستانه‌کان به‌رده‌وام ئه‌مه‌مان له‌ به‌رچاو بووه‌ که‌ ئه‌گه‌ر لایه‌نی به‌رانبه‌ر له‌ سه‌ر به‌ڵێنه‌کانی خۆی نه‌بێت ده‌بێت ڕێکاری پێویستمان بۆ گه‌ڕانه‌وه‌ هه‌بێت.

ئه‌و زیادی کرد: من ناچمه‌ ناو ورده‌کاری ئه‌م هه‌نگاوه‌. به‌ڵام ئه‌گه‌ر له‌ به‌رپرسانی باڵای وڵاته‌وه‌ فه‌رمان بێت، ده‌توانین له‌ فۆردۆ له‌ ماوه‌ی ۴ ڕۆژ بگه‌ڕێنه‌وه‌ بۆ پیتاندنی ئۆرانیۆمی ۲۰ له‌ سه‌د. ئه‌مه‌ش په‌یامی گرنگی له‌گه‌ڵ خۆی هه‌یه‌.

ساڵحی هه‌روه‌ها وتی: گه‌ڕانه‌وه‌ی ئێمه‌ له‌ بابه‌ته‌کانی دیکه‌ش زۆر زووتر ئه‌نجام ده‌بێت. ئێمه‌ هیوادارین که‌ ئه‌م بابه‌ته‌ ڕوو نه‌دات، به‌ڵام ئه‌گه‌ر ڕوو بدات، هه‌نگاوی پێویست هه‌ڵده‌گرین. باڵوێزی فه‌ڕه‌نساش له‌ ئه‌مریکا ئاماژه‌ی دا، ئه‌گه‌ر ئێران پیتاندنی ئۆرانیۆم له‌ ئاستیکی باڵاتردا ده‌ست پێ بکاته‌وه‌ چی ده‌توانین بکه‌ین؟

News Code 17922

نیشانەکان

بۆچوونی ئێوە

You are replying to: .
  • 2 + 7 =