دەست پێکردنەوەی دانوستانەکان له‌ تورکیا پێویستە

سیاسه‌توانی به‌ناوبانگی کوردی تورکیا ڕایگەیاند کە پێویستە بۆ چاره‌سه‌ریی پرسه‌کانی تورکیا دانوستانێکی نوێ له‌و وڵاته‌ ده‌ست پێبکاته‌وه‌.

بە ڕاپۆرتی ئاژانسی هەواڵی مێهر، ئه‌حمه‌د تورک سیاسه‌توانی به‌ناوبانگی کوردی تورکیا و شاره‌وانی وه‌لاوه‌نراوی گه‌وره‌شاری ماردین له‌ لیدوانێکدا وێرای ڕه‌خنه‌گرتن له‌ ئۆپه‌راسیۆنه‌کانی سوپای تورکیا له‌ عه‌فرین، وتی: حکوومه‌تی تورکیا بە پێی سیاسەتی نوێی هه‌وڵی بێدەنگ کردنی کورد له‌ هەموو جێیەکدا ده‌دات، هه‌ر بۆیه‌ هێرشی کردۆتە سه‌ر عه‌فرین. ئه‌و کاره‌ به‌ شێوه‌ی ئاشکرا سیاسه‌تی تورکیا له‌ به‌رانبه‌ر کورده‌کان نیشان ده‌دات. بە هەر ڕادەیەک داواکاریی ڕه‌وا و ئازادی ڕاده‌ربڕین پەرە دەستێنێت، سیاسه‌تی سه‌رکوت کردنی کورده‌کانیش دەخرێتە رۆژەڤی کاریی ده‌وڵه‌ت.

ناوبراو له‌ درێژه‌ی لێدوانه‌کانیدا دۆخی ئێستای له‌گه‌ڵ کووده‌تای ۱۲ی سێپتامبێری ۱۹۸۰ له‌ تورکیا هه‌ڵسه‌نگاند و ڕاشیگەیاند: من لە ۱۲ی سێپتامبێری ئەو ساڵە له‌ زیندانی ئامەددا بووم. ئەگەر ئه‌و ڕۆژه‌ له‌گه‌ڵ ئه‌مڕۆدا هه‌ڵبسه‌نگێنین، ئەگەرچی ڕه‌هه‌نده‌کانی ئه‌شکه‌نجه‌ له‌و ڕۆژانه‌دا لە وەسفدا ناگونجێن، به‌ڵام ئێستاکه‌ دۆخه‌که‌ زۆر جیاوازه‌. ئه‌مڕۆ به‌ره‌وڕووی ئایدیالۆژیایەک بووینه‌ته‌وه‌ که‌ تێده‌کۆشێت تێکڕای ڕێکخراو و پێکهاته‌کان بکاته‌ یه‌ک به‌شه‌وه‌. باوه‌ڕتان بێت که‌ ده‌زگای دادی ئه‌و ڕۆژانه‌ به‌ شێوه‌یەکی سه‌ربه‌خۆتر له‌ چاو ده‌زگای دادی ئه‌مڕۆ ئه‌رکه‌کانی ڕاده‌په‌ڕاند. له‌ سه‌رده‌مانی کووده‌تا له‌ تورکیا هه‌میشه‌ کورده‌کان ئامانجی سه‌ره‌کی بوونه‌.

ئه‌حمه‌د تورک ئاماژەی بەوەش دا: به‌ پشت به‌ستن به‌و بابه‌ته‌ که‌ سیاسه‌تی ئه‌منی و سه‌ربازی له‌ هیچ کوێی جیهاندا هیچ پرسێکی چاره‌سه‌ر نه‌کردوووه‌ و سه‌ره‌ڕای تێکڕای شکسته‌کان، هه‌مدیسان ده‌بێ دیالۆگ و دانوستان بخرێتە رۆژەڤەوە و پڕۆسه‌یەکی نوێی دانوستانه‌کان ده‌ست پێبکرێته‌وه‌.

News Code 17913

نیشانەکان

بۆچوونی ئێوە

You are replying to: .
  • 6 + 3 =