به‌رزبوونه‌وه‌ی ۱۱ له‌ سه‌دی هه‌نارده‌ی گومروکاتی کرماشان

به‌ڕێوه‌به‌ری گومروکاتی کرماشان ڕایگه‌یاند که‌ له‌ یه‌ک ساڵی ڕابردوودا له‌ سه‌دا ۱۱ هه‌نارده‌ی گومروکاتی کرماشان به‌رز بووه‌ته‌وه‌.

به‌ ڕاپۆرتی ئاژانسی مێهر، خه‌لیل حه‌یده‌ری، به‌ڕێوه‌به‌ری گومروکاتی کرماشان ڕایگه‌یاند که‌ له‌ یه‌ک ساڵی ڕابردوودا له‌ سه‌دا ۱۱ هه‌نارده‌ی گومروکاتی کرماشان به‌رز بووه‌ته‌وه‌.

ئه‌و زیادی کرد: له‌ ساڵی ۹۶ی هه‌تاوی یه‌ک ملیار و ۸۱۸ ملیۆن و ۵۴۴ هه‌زار و ۴۹۲ دۆلار که‌ل و په‌ل به‌ کێشی ۴ ملیۆن و ۱۵۹ هه‌زار و ۷۳۰ تۆن له‌ ڕێگه‌ی کرماشانه‌وه‌ بۆ ده‌ره‌وه‌ی وڵات هه‌نارده‌ کراوه‌.

ئه‌و جه‌ختی کرد: له‌ کۆی یه‌ک ملیار و ۸۱۸ ملیۆن و ۵۴۴  هه‌زار و ۴۹۲ دۆلار که‌ل و په‌لی ساڵی ڕابردوو، ۷۹۴ ملیۆن و ۷۶۶ هه‌زار و ۷۶۴ دۆلار به‌ کێشی ۹۹۲  هه‌زار و ۲۱۲ تۆن له‌ ڕێگه‌ی سنووری سوماره‌وه‌ هه‌نارده‌ کراوه‌ که‌ له‌ سه‌دا ۷۶ له‌ خۆ ده‌گرێت.

حه‌یده‌ری هه‌روه‌ها وتی:  له‌ گومروکی په‌رویزخانه‌وه‌ ۶۱۲ ملیۆن و ۷۷۲ هه‌زار و۲۹۰ دۆلار که‌ل و په‌ل به‌ کێشی یه‌ک ملیۆن و ۶۵۸ هه‌زار و ۲۲۳ تۆن  هه‌نارده‌ کراوه‌ که‌ پێگه‌ی دووهه‌می بووه‌. هه‌روه‌ها له‌ سنووری شێخ ساڵه‌ی پاوه‌وه‌ ۲۷۵  ملیۆن و ۹۰۹ هه‌زار و ۷۸۲ دۆلار که‌ل و په‌ل به‌ کێشی  ۷۴۹ هه‌زار و ۵۹۹ تۆن هه‌نارده‌ کراوه‌ که‌ به‌ نیسبه‌ت ساڵی ڕابردوو ئه‌م گومروکه‌ له‌ سه‌دا ۷۲ هه‌نارده‌ کردنی به‌رز بووه‌ته‌وه‌.

ئه‌و ئاماژه‌ی دا: له‌ ساڵی ڕابردوو له‌ سنووری شوشمێشه‌وه‌ ۵۰ ملیۆن و ۲۵۴ هه‌زار و ۳۳۵ دۆلار که‌ل و په‌ل به‌ کێشی ۴۲۰ هه‌زار و ۷۲۸  تۆن هه‌نارده‌ کراوه‌ که‌ له‌ سه‌دا ۸۰ به‌رز بوونه‌وه‌ی به‌ خۆیه‌وه‌ دیوه‌.

ئه‌م به‌رپرسه‌ کورده‌ له‌ کۆتاییدا ڕایگه‌یاند که‌ هێڵه‌رماسی، که‌ل و په‌لی ناو ماڵ، کاشی و سرامیک، کولری ئاوی، ته‌ماته‌، جۆره‌ها دڵق و چیمه‌نتۆ هه‌نارده‌ی عێراق کراوە.

News Code 17903

نیشانەکان

بۆچوونی ئێوە

You are replying to: .
  • 4 + 0 =