فستیڤاڵی ئه‌ده‌بی سووره‌ له‌ دوو به‌شی کوردی و فارسی به‌ڕێوه‌ ده‌چێت

سه‌رۆکی حه‌وزه‌ی هونه‌ری کوردستان ڕایگه‌یاند که‌ نۆهه‌مین خولی فستیڤاڵی ئه‌ده‌بی لاوانی سووره‌ له‌ دوو به‌شی کوردی و فارسی به‌ڕێوه‌ ده‌چێت.

به‌ ڕاپۆرتی ئاژانسی مێهر له‌ په‌یوه‌ندییه‌ گشتییه‌کانی حه‌وزه‌ی هونه‌ری کوردستان، ئه‌مین مورادی، سه‌رۆکی حه‌وزه‌ی هونه‌ری کوردستان وتی: فستیڤاڵی ئه‌ده‌بی سووره‌ ئه‌مساڵ له‌ دوو به‌شی ئازاد و تایبه‌ت به‌ڕێوه‌ ده‌چێت که‌ ئامانجیشی ئاوڕدانه‌وه‌ له‌ لاوانی ئه‌ده‌ب دۆستی کوردستانه‌.

ئه‌و جه‌ختی کرد: فستیڤاڵه‌که‌ وه‌ک ساڵی ڕابردوو به‌ دوو زمانی کوردی و فارسی به‌ڕێوه‌ ده‌چێت و له‌مه‌ به‌دواش ئه‌م سیاسه‌ته‌ لێی به‌رده‌وام ده‌بین. ئه‌مه‌ش به‌ ئامانجی گرنگی دان به‌ زمانی کوردی و ئه‌ده‌بی کوردی له‌ ناوچه‌که‌یه‌.

مواردی هه‌روه‌ها وتی: دوای کۆتایی هاتن به‌ مۆڵه‌تی ناردنی به‌رهه‌مه‌کان، ۲۶۰ به‌رهه‌م له‌ دوو به‌شی شێعر و چیرۆک به‌ دوو زمانی کوردی و فارسی به‌ ده‌بیرخانه‌ی فستیڤاڵه‌که‌ گه‌یشتووه‌ و به‌ نیسبه‌ت ساڵی ڕابردوو به‌رزبوونه‌وه‌ی باشی به‌خۆیه‌وه‌ دیوه‌.

سه‌رۆکی حه‌وزه‌ی هونه‌ری کوردستان هه‌روه‌ها ئاماژه‌ی دا: به‌ مه‌به‌ستی ڕێز گرتن له‌ که‌سایه‌تی ئه‌ده‌بی و زانستی کورد، ئه‌مساڵ له‌ که‌سایه‌تی نسراوی کورد گوڵشه‌ن کوردستانی له‌ میانه‌ی فستیڤاڵه‌که‌ ڕێز ده‌گیردرێت.

ئه‌و له‌ کۆتایدا وتیشی: ڕێوه‌ڕه‌سمی کۆتایی فستیڤاڵه‌که‌ ڕۆژی ۲۲ی خاکه‌لێوه‌ کاتژمێر ۱۸ له‌ سینه‌ما به‌همه‌ن و به‌ به‌شداری که‌سایه‌تییه‌ ئه‌ده‌بی و فه‌رهه‌نگییه‌کانی کورد به‌ڕێوه‌ ده‌چێت. 

News Code 17901

نیشانەکان

بۆچوونی ئێوە

You are replying to: .
  • 1 + 3 =