بنکه‌یه‌کی ئه‌مریکایی له‌ ڕه‌قه‌ مووشه‌ک باران کرا

گرووپێکی سه‌ر به‌ دیمەشق ڕایگه‌یاند که‌ بنکه‌یه‌کی سه‌ربازی ئه‌مریکایان له‌ شاری ڕه‌قه‌ مووشه‌ک باران کردووه‌.

به‌ ڕاپۆرتی ئاژانسی مێهر له‌ ڕاشا توده‌ی، گرووپێکی پارتیزانیی نزیک و هاوپه‌یمانی سوپای سووریا له‌ ڕۆژهه‌ڵاتی سووریا ڕایگه‌یاند که‌ ئه‌وان بنه‌که‌یه‌کی ئه‌مریکایان له‌ ڕه‌قه‌ کردووه‌ته‌ ئامانج.

به‌ پێی ئه‌م ڕاپۆرته‌، له‌ ڤێفرییه‌ی ڕابردوو له‌ ڕۆژهه‌ڵاتی سووریا و له‌ نزیک شاری ڕه‌قه‌ گرووپێکی چریکی نزیک و هاوپه‌یمان له‌گه‌ڵ سوپای سووریا پێکهاتووه‌ که‌ دژی ئه‌مریکا شه‌ڕ ده‌کات. ئه‌م گرووپه‌ دوێنێ له‌ ڕاگه‌یه‌ندراوێکدا ئاماژه‌ی دا که‌ بنکه‌یه‌کی سه‌ربازی ئه‌مریکا له‌ لافارژ له‌ ناوچه‌ی عه‌ین عیسایان مووشه‌ک باران کردووه‌.

له‌م ڕاگه‌یه‌ندراوه‌دا هاتووه‌: ئه‌م هێرشه‌ مووشه‌کییه‌ له‌ حاڵێکدا ئه‌نجام بووه‌ که‌ فڕۆکه‌کانی هێزه‌کانی هاوپه‌یمانی جیهانی دژه‌ داعش له‌ ئاسماندا له‌ حاڵی گه‌شت لێدان بوون.

ئه‌م هه‌واڵه‌ له‌ حاڵێک دایه‌ که‌ سه‌رچاوه‌کانی نزیک له‌ هێزه‌کانی دیموکڕاتیکی سووریا، هاوپه‌یمانی هێزه‌کانی ئه‌مریکا ڕایانگه‌یاند که‌ له‌ ۲۴ کاتژمێری ڕابردوودا هیچ هێرشێک ئه‌نجام نه‌بووه‌ و ئه‌مه‌ پاگه‌نده‌یه‌ک زیاتر نییه‌.

News Code 17889

نیشانەکان

بۆچوونی ئێوە

You are replying to: .
  • 3 + 7 =