۴۷مین فستیڤاڵی فیلمی ڕوشد له‌ کوردستان به‌ڕێوه‌ ده‌چێت

جێگری سه‌رۆکی ئیداره‌ی گشتی په‌روه‌رده‌ی کوردستان ڕایگه‌یاند: ۴۷مین خولی فستیڤاڵی نێونه‌ته‌وه‌یی فیلمی زانستی و په‌روه‌رده‌یی ڕوشد له‌ ۲۶ خاکه‌لێوه‌ به‌و لاوه‌ تاکوو یه‌کی گوڵان به‌ڕێوه‌ ده‌چێت.

به‌ ڕاپۆرتی ئاژانسی مێهر، سدیقه‌ عه‌بدوڵاهی، جێگری سه‌رۆکی ئیداره‌ی گشتی په‌روه‌رده‌ی کوردستان ڕایگه‌یاند: ۴۷مین خولی فستیڤاڵی نێونه‌ته‌وه‌یی فیلمی زانستی و په‌روه‌رده‌یی ڕوشد له‌ ۲۶ خاکه‌لێوه‌ به‌و لاوه‌ تاکوو یه‌کی گوڵان به‌ڕێوه‌ ده‌چێت.

ئه‌و زیادی کرد: ئه‌م فستیڤاڵه‌ به‌ مه‌به‌ستی په‌ره‌دان به‌ ئاستی زانستی منداڵانی خوێندکاری هه‌موو ئێران به‌ڕێوه‌ ده‌چێت که‌ هه‌وڵ ده‌دات به‌ یارمه‌تی هونه‌ری فیلم سازی به‌ شێوه‌یه‌کی ساکار زانسته‌کان بۆ منداڵان بگوازێته‌وه‌.

عه‌بدوڵاهی هه‌روه‌ها وتی: له‌م فستیڤاڵه‌ ئه‌مساڵ ۵۰ فیلمی له‌ چوار به‌شی زانستی، به‌ڵگه‌یی، په‌روه‌رده‌یی و ئه‌نیمه‌یشن له‌ پارێزگای کوردستان نمایش ده‌کرێت.

شایانی باسه‌ که‌ هه‌موو ئه‌م فیلمانه‌ له‌ ۵۰ هۆڵی هه‌موو شار و شارۆچکه‌کانی پارێزگای کوردستان بۆ منداڵانی قۆناخی سه‌ره‌تایی و مام ناوه‌ندی نمایش ده‌کرێت و له‌ ته‌نیشت نمایشی فیلمه‌کان مامۆستایانی به‌شه‌کان قسه‌ی و باسی خۆیان سه‌باره‌ت به‌ فیلمه‌کان بۆ منداڵاکان پێشه‌کش ده‌که‌ن.

فستیڤاڵی نێونه‌ته‌وه‌یی فیلمی زانستی و په‌روه‌رده‌یی ڕوشد هه‌ر له‌ ئاستی هه‌موو پارێزگاکانی ئێران به‌ڕێوه‌ ده‌چێت.

News Code 17882

نیشانەکان

بۆچوونی ئێوە

You are replying to: .
  • 4 + 14 =