سوپای تورکیا قه‌زای ئامێدی بوردومان کرد

جاریکی دیکە سوپای تورکیا فرۆکە جەنگییەکانى تورکیا سێ جار ناوچەکانى نێرەو ڕێکانیان لە سنورى قەزاى ئامێدى بۆردوومانکردەوە.

به‌ راپۆرتی ئاژانسی هه‌واڵی مێهر، کاتژمێر ١١ ى پێش نیوەڕۆی دوێنێ هه‌ینی سێ جار فڕۆکە جەنگییەکانى تورکیا ناوچەکانى نێروەو ڕێکانیان بۆردوومانکردووە .

ئیحسان چەلەبى بەڕێوەبەرى ناحییەى سیدەکان  ڕایگەیاندوە "بەهۆى بۆردوومانەکانى شەوى ڕابردووى سوپاى تورکیاوە دوو هاوڵاتى برینداربوون کە یەکێکیان کچێکى ١٢ ساڵ بووە و ئەوى دیکەشیان پیاوێکى تەمەن ٣٠ ساڵ بووە کە برینەکانیان سوکە."

ڕاشیگه‌یناد که‌ " زیاتر لە ١٠٠ خێزان ئاوارەى ناوچە ئارامەکان بوون و هەندێکیان گەڕاونەتەوە بۆ شوێنەکانى خۆیان".

ئیحسان چەلەبى  ئاماژەی بەوەشداوە که‌ "لەماوەى شەو و رۆژى ڕابردوودا سوپاى تورکیا ١٩ کیلۆمەتر هاتووەتە نێو خاکى هەرێمى کوردستانەوە و پێشڕەوى کردووە."

ئاشکراشی کردووه‌ " سوپاى تورکیا سێ بارەگاى سەرەکى و ١٢ بۆ ١٤ بارەگاى بچوکى لەنێو خاکى هەرێم دروستکردووە".

هەر بەهۆی بۆردومانەکانی سوپای تورکیاوە زیاتر لە ١٢٠ خێزانی دانیشتوانی ئەو گوندانەی ناوچەکانی سیدەکان ئاوارەبوەن.

News Code 17867

نیشانەکان

بۆچوونی ئێوە

You are replying to: .
  • 2 + 13 =