۶ که‌سی فه‌له‌ستینی کوژران/۱۰۷۰ که‌سی دیکه‌ش بریندار بوون

هێزه‌ سه‌ربازییه‌کانی ئیسڕائیل به‌ هێرش بۆ سه‌ر خۆپیشانده‌ران ۶ که‌سیان کوشت و ۱۰۷۰ که‌سی دیکه‌شیان بریندار کرد.

به‌ ڕاپۆرتی ئاژانسی مێهر له‌ سه‌ما، وه‌زاره‌تی ته‌ندروستی فه‌له‌ستین ڕایگه‌یاند که‌ ۶ خۆپیشانده‌ری فه‌له‌ستینی له‌ ڕێپێوانی مافی گه‌ڕانه‌وه‌ کوژراون و ۱۰۷۰ که‌سی دیکه‌ش بریندار بوون.

به‌م پێیه‌ ژماره‌ی شه‌هیدانی فه‌له‌ستین له‌ حه‌فته‌ی ڕابردووه‌وه‌ به‌ ۲۵ که‌س گه‌یشت و ۱۵۰۰ که‌سیش بریندار بوون.

شه‌پۆلی دووهه‌می ڕێپێوانی مافی گه‌ڕانه‌وه‌ دوێنێ هه‌ینی به‌ به‌شداری هه‌زاران فه‌له‌ستینی دانیشتووی غه‌زه‌ ده‌ستی پێ کرد.

هاوکات له‌گه‌ڵ ده‌ست پێ کردنی ئه‌م ڕێپێوانه‌، ڕژیمی زایۆنی ناوچه‌ی غه‌زه‌ی به‌ شوێنی سه‌ربازی ناساند.

فه‌له‌ستینییه‌کانی دانیشتووی غه‌زه‌ ڕۆژی هه‌ینی ۳۰ مارس هاوکات له‌گه‌ڵ ۴۲هه‌مین ساڵوه‌گه‌ری ڕۆژی خاک ڕێپێوانێکی ئاشتیانه‌یان به‌ره‌و ماڵه‌کانی خۆیان که‌ له‌ لایه‌ن زایۆنییه‌کانه‌وه‌ داگیر کراوه‌ ده‌ست پێ کرد.

فه‌له‌ستینییه‌کان له‌م ڕێپێوانه‌ هه‌وڵیان دا جه‌خت له‌ بڕیارنامه‌یه‌ ۱۹۴ی نه‌ته‌وه‌ یه‌کگرتووه‌کان بکه‌نه‌وه‌ که‌ له‌ خاڵی ۱۱ده‌دا دانی ناوه‌ به‌ مافی گه‌ڕانه‌وه‌ی ئاواره‌کانی فه‌له‌ستین بۆ ماڵ و حاڵی خۆیان.

شایانی باسه‌ که‌ ئیسڕائیل له‌ ۳۰ مارسی ساڵی ۱۹۷۶ به‌ هه‌زاران دۆنم له‌ خاکی فه‌له‌ستینییه‌کانیان داگیر کرد به‌ تایبه‌ت له‌ ناوچه‌ی جه‌لیل له‌ باکووری فه‌له‌ستین. فه‌له‌ستینییه‌کان هه‌ر ساڵ له‌م ڕۆژه‌دا ڕێپێوانی گه‌وره‌ به‌ڕێوه‌ ده‌به‌ن.

News Code 17866

نیشانەکان

بۆچوونی ئێوە

You are replying to: .
  • 2 + 14 =