هه‌رێمی کوردستان هەمبەر بە داعش جەنایه‌تی جەنگی کردووه‌ !

چاودێری مافی مرۆڤ ڕایگەیاند کە هه‌رێمی کوردستان کۆمه‌ڵێک له‌ چه‌کدارانی داعشی له‌ سێداره‌ داوه‌ و به‌و کاره‌ تووشی جەنایه‌تی جەنگی بووە.

بە ڕاپۆرتی ئاژانسی هەواڵی مێهر، بەلقیس ویله‌ توێژه‌ری چاودێری مافی مرۆڤ بە ناڕاستەقینە وەسف کردنی وه‌ڵامی حکوومه‌تی هه‌رێمی کوردستان کە تۆمه‌ته‌ ئاراسته‌کراوه‌کانی ئەو ناوەندەی لە دژی هەرێم ڕەت کردۆتەوە، ڕایگەیاند: هه‌ندێ به‌ڵگه‌ له‌باره‌ی له‌سێداره‌دانی به‌ کۆمه‌ڵی چه‌کدارانی داعش له ‌لایه‌ن حکوومه‌تی هه‌رێمی کوردستانەوە به‌ده‌سته‌وه‌یه‌.

ناوبراو له‌ یادداشتێکدا که‌ له‌ ماڵپه‌ڕی چاودێری مافی مرۆڤ بڵاو کراوه‌ته‌وه‌ ڕاشیگه‌یاند:‌ هه‌رێمی کوردستان لایه‌نه‌ سه‌ره‌کییه‌کانی ڕاپۆرتی چاودێری مافی مرۆڤ له‌باره‌ی له‌سێداره‌دانی به‌ کۆمه‌ڵی چه‌کدارانی داعش که‌ خۆیانیان ته‌سلیمی هێزه‌ کورده‌کانی عێراق کردووه‌ پشتگوێ خستووە و ڕه‌تی ده‌کاته‌وه‌.

ناوبراو لای وایه‌ له‌ ۲۸ی ئه‌گێست تاکوو ۳ی سێپتامبێری ۲۰۱۷ هێزه‌ کوردییه‌کانی عێراق لقی ڕۆژئاوای دیجله‌ کۆمه‌ڵێک چه‌کداری داعشیان له‌ سێداره‌ داوه‌ که‌ خۆیانیان ته‌سلیمی ئه‌و هێزانه‌ کردبوو و ئه‌و کاره‌ به‌ مانای جەنایه‌تی جەنگی دێت‌.

کارناسی چاودێری مافی مرۆڤ کاری هه‌رێمی کوردستان بۆ پێکهێنانی کۆمیته‌ی تایبه‌ت به‌ مه‌به‌ستی لێکدانه‌وه‌ی تۆمه‌تی ئاماژه‌پێکراو‌ ستایش ده‌کات، به‌ڵام ئاماژە بەوەش دەدات که‌ هه‌رێمی کوردستان ڕێگری کردووە له‌ دیداری به‌رپرسانی چاودێری مافی مرۆڤ له‌گه‌ڵ کۆمیته‌ی ئاماژه‌پێکراو.

News Code 17861

نیشانەکان

بۆچوونی ئێوە

You are replying to: .
  • 8 + 8 =