کورد بەشداریی نەکات دانوستانی سووریا ئەنجامی نابێت

سه‌رۆک کۆماری ڕووسیا له‌ میانه‌ی کۆنفڕانسێکی ڕۆژنامه‌وانی له‌گه‌ڵ ڕه‌جه‌ب ته‌یب ئه‌ردۆغان له‌ ئه‌نقه‌ره‌ وتی: ئه‌گه‌ر ڕێکاری ئاماده‌ بوونی کورد له‌ سووریا دابین نه‌کرێت، به‌ ده‌ره‌نجام ناگه‌ین.

به‌ ڕاپۆرتی ئاژانسی مێهر له‌ یه‌نی شه‌فه‌ق، ڤلادیمیر پووتین به‌شداری له‌ کۆنفڕانسێکی ڕۆژنامه‌وانی له‌گه‌ڵ ئه‌ردۆغان له‌ ئه‌نقه‌ره‌ کرد.

به‌ پێی ئه‌م ڕاپۆرته‌، پووتین له‌ وڵامی ڕۆژنامه‌وانێک سه‌باره‌ت به‌ داهاتووی یه‌په‌گه‌ و بڕیاری ڕووسیا و ئه‌گه‌ری هێرشی تورکیا بۆ سه‌ر مه‌نبه‌ج وتی: ئه‌گه‌ر ڕێکاری ئاماده‌ بوونی کورد له‌ سووریا دابین نه‌کرێت، به‌ ده‌ره‌نجام ناگه‌ین.

شایانی باسه‌ ڕووسیا و تورکیا سه‌رباره‌ت به‌ ڕۆڵی کورد له‌ سووریا بۆچوونی جیاوازیان هه‌یه‌ و ئه‌مه‌ش سه‌ره‌ڕای ئه‌وه‌یه‌ که‌ ڕووسیا مۆڵه‌تی به‌ تورکیا دا تاکوو به‌ هێرشی ئاسمانی شاری عه‌فرین داگیر بکات.

پووتین له‌مباره‌وه‌ زیادی کرد: له‌گه‌ڵ ئه‌و وڵاتانه‌ی له‌ دوای چاره‌سه‌ر کردنی کێشه‌ی سووریان هاوکاری ده‌که‌ین. یه‌که‌مایه‌تی ئێمه‌ یه‌کپارچه‌یی سووریا و له‌ناو بردنی تیرۆریسته‌کانه‌. له‌مباره‌وه‌ درێژه‌ به‌ هاوکارییه‌کان له‌گه‌ڵ تورکیا ده‌ده‌ین.

سه‌رۆک کۆماری ڕووسیا له‌ درێژه‌دا وتی: خه‌ڵکی کورد ئه‌م مافه‌یان هه‌یه‌ که‌ له‌ داهاتووی سووریا به‌شدار بن. بڕیاری کۆتایی له‌مباره‌وه‌ به‌ ده‌ست خه‌ڵکی سووریاوه‌ ده‌بێت، بۆچوونی ئێمه‌ له‌مباره‌وه‌ ئه‌وه‌یه‌ که‌ کورده‌کان به‌شێکن له‌ سووریای فره‌ نه‌ته‌وه‌. جێکردنه‌وه‌ی کوردی سووریا له‌ هه‌موو به‌شه‌کان و پڕۆسه‌ی سیاسی سووریا مافی کورده‌کانه‌. ئه‌گه‌ر ئه‌م بابه‌ته‌ دابین نه‌کرێت به‌ ده‌رنجام ناگه‌ین.

ئه‌و هه‌روه‌ها ئاماژه‌ی دا: له‌مباره‌وه‌ که‌ کێ له‌ پڕۆسه‌ی سیاسی سووریادا جێگه‌ ده‌گرێت و هه‌ر کام له‌ ئێتنیکه‌کان چ پێگه‌یه‌کیان ده‌بێت، ڕاسته‌وخۆ خه‌ڵکی سووریا بڕیار ده‌دات.

News Code 17833

نیشانەکان

بۆچوونی ئێوە

You are replying to: .
  • 1 + 2 =