دروست کردنی یه‌که‌مین ئێزگه‌ی ناڤۆکی تورکیا ده‌ستی پێ کرد

پڕۆژه‌ی دروست کردنی یه‌که‌مین ئێزگه‌ی ناڤۆکی تورکیا به‌ ناوی ئاک کۆیۆ له‌ دوای قسه‌کانی پووتین و ئه‌ردۆغان ده‌ستی پێ کرد.

به‌ ڕاپۆرتی ئاژانسی مێهر له‌ سپۆنتیک، ڕه‌جه‌ب ته‌یب ئه‌ردۆغان، سه‌رۆک کۆماری تورکیا دوێنێ سێ شه‌مه‌ له‌ ئه‌نقه‌ره‌ پێشوازی له‌ ڤلادیمیر پووتین کرد.

ئه‌ردۆغان و پووتین دواجار به‌شداریان له‌ ڕێوڕه‌سمی دروست کردنی ئێزگه‌ی ناڤۆکی ئاک کۆیۆ کرد. پووتین له‌م ڕێوڕه‌سمه‌ وتی: ئه‌م ئێزه‌گه‌ ناڤۆکییه‌ یارمه‌تی په‌ره‌سه‌ندنی تورکیا له‌ جیهان ده‌دات. بڕیار وایه‌ که‌ ئه‌م ئێزگه‌یه‌ ۱۰ له‌ سه‌دی کاره‌بای تورکیا دابین بکات.

ئه‌و زیادی کرد: هه‌روه‌ها ئه‌م گه‌ڵاڵه‌یه‌ هه‌لی کاری زۆر ده‌ڕه‌خسێنێت، تورکیا له‌ ڕووی ته‌کنۆلۆژیا و ئابوورییه‌وه‌ سه‌رکه‌وتنی باشی بووه‌. ده‌مانه‌وێت له‌ ساڵی ۲۰۲۳ یه‌که‌مین بازنه‌ی وزه‌ ده‌ست به‌ کار بکات.

هه‌روه‌ها ئه‌ردۆغانیش وتی: ئه‌نقه‌ره‌ ئاماده‌یه‌ تاکوو له‌ هه‌موو بواره‌کان هاوکاری مسکۆ بکات. ئێمه‌ پڕۆژه‌ی زۆرمان هه‌یه‌. سیستمی مووشه‌کی ئێس ۴۰۰، هێڵی نه‌وت و گازی تورک ستریم و ئێزگه‌ی ناڤۆکی ئاک کۆیۆ. 

شایانی باسه‌ که‌ ئێزگه‌ی ناڤۆکی ئاک کۆیۆ به‌ سه‌رمایه‌دانه‌ری ۲۰ ملیارد دۆلار و کارامه‌یی ۴۸۰۰ مێگاوات کاره‌با ده‌ستی به‌ کار کردووه‌. ئه‌م پڕۆژه‌یه‌ له‌ سه‌ده‌مین ساڵی دروست بوونی تورکیا ده‌ست به‌ کار ده‌کات.

News Code 17816

نیشانەکان

بۆچوونی ئێوە

You are replying to: .
  • 4 + 1 =