سیاسه‌ته‌کانی ئه‌مریکا کێشه‌ی جدی بۆ ناوچه‌که‌ دروست کردووه‌

وه‌زیری ده‌ره‌وه‌ی ئێران وتی: ئه‌و سیاسه‌ته‌کانی ئه‌مریکا له‌ ناوچه‌که‌ شوێنی که‌وتووه‌، کێشه‌ی جدی بۆ داهاتووی سووریا و ناوچه‌که‌ دروست ده‌کات.

به‌ ڕاپۆرتی ئاژانسی مێهر، محه‌مه‌د جه‌واد زه‌ریف، وه‌زیری ده‌ره‌وه‌ی ئێران دوای گه‌یشتنی به‌ ئه‌نقه‌ره‌ وتی: گرنگ ترین کۆبوونه‌وه‌ی سوورییه‌کان سوچی بوو که‌ له‌ ڕووسیا به‌ڕێوه‌ چوو. ئێمه‌ له‌ ساڵانی ڕابردوودا له‌ ڕێگه‌ی ئاستانه‌وه‌ توانیمان شه‌ڕه‌کان که‌م بکه‌ینه‌وه‌ به‌ڵام پێویسته‌ که‌ ئه‌م دانوستانه‌ ببێته‌ ڕه‌وتێکی سیاسی.

ئه‌و زیادی کرد: کۆبوونه‌وه‌ی ئه‌مڕۆی سه‌رۆکه‌کانی ڕووسیا و ئێران و تورکیا درێژه‌ی هه‌مان دانوستانه‌کانی ئاستانه‌یه‌، له‌م ماوه‌دا به‌شێکی زۆری پایته‌ختی سووریا له‌ تیرۆریسته‌کان خاوێن کرایه‌وه‌ که‌ گرنگه‌ ئه‌م پڕۆسه‌یه‌ به‌ ئارامی درێژه‌ی هه‌بێت.

زه‌ریف هه‌روه‌ها وتی: ئه‌و گۆڕانکارییانه‌ی که‌ له‌ دوای سوچی ڕووی داوه‌ چۆنیه‌تی ئاماده‌ بوونی ئه‌مریکا له‌ ناوچه‌که‌یه‌ که‌ بووه‌ته‌ هۆی ئه‌وه‌ی بۆشایی نێوان گه‌لانی ناوچه‌که‌ زیاتر بێت و ئه‌مه‌ش زۆر مه‌ترسیداره‌ بۆ داهاتووی سووریا و ناوچه‌که‌.

ئاماژه‌شی دا ئێمه‌ له‌ سه‌ر ئه‌م باوه‌ڕه‌ین که‌ باشترین ڕێگه‌ بۆ چاره‌سه‌ر کردنی ناکۆکییه‌کان به‌هێز کردنی ده‌وڵه‌تی ناوه‌ندییه‌. ئیسڕائیل له‌م ماوه‌دا هێرشی کرده‌ سه‌ر سووریا به‌ڵام دواجار سووریا به‌ لیدانی فڕۆکه‌یه‌کی وانه‌ی باشی به‌م داگیرکارییه‌ دا.  گرنگ ترین بابه‌تی ئه‌مڕۆ به‌هێز کردنی ده‌وڵه‌تی ناوه‌ندی و ده‌ست گرتن به‌ یه‌کپارچه‌یی خاکی سووریاوه‌ ده‌بێت، له‌ ماوه‌ی ۶ ساڵی ڕابردوودا ته‌نیا پڕۆسه‌ی ئاستانه‌ بووه‌ که‌ توانیه‌تی سه‌رکه‌وتوو بێت.

وه‌زیری ده‌ره‌وه‌ی ئێران جه‌ختی کرد: ئه‌وه‌ی هه‌موو لایه‌نه‌کان ده‌بێت گرنگی پێ بده‌ن ئه‌م بابه‌ته‌یه‌ که‌ کێشه‌ی سووریا ده‌بێت له‌ ڕێگه‌ی دانوستانه‌وه‌ چاره‌سه‌ر بکرێت، ئه‌رکی وڵاتانی بیانی ئه‌وه‌یه‌ که‌ ئه‌م ڕێگه‌یه‌ هه‌موار بکه‌ن نه‌ک ئه‌وه‌ی بۆ خه‌ڵکی سووریا بڕیار بده‌ن. وڵاتانی ڕۆژئاوایی نابێت خۆیان به‌ گه‌وره‌ی سووریا بزانن.

News Code 17814

نیشانەکان

بۆچوونی ئێوە

You are replying to: .
  • 8 + 7 =