قوتبه‌دین سادقی بووه‌ ڕاوێژکاری هونه‌ری پارێزگاری کوردستان

پارێزگاری کوردستان له‌ میانه‌ی ڕاگه‌یه‌ندراوێک ئاماژه‌ی دا که‌ به‌ مه‌به‌ستی ئاگادار بوونه‌وه‌ له‌ چۆنیه‌تی به‌رهه‌م هاتنی زنجیره‌ درامای سه‌نجه‌ر خان، دوکتور قوتبه‌دین سادقی به‌ ڕاوێژکاری خۆی هه‌ڵبژارد.

به‌ ڕاپۆرتی ئاژانسی مێهر، به‌همه‌ن مورادنیا، پارێزگاری کوردستان له‌ میانه‌ی ڕاگه‌یه‌ندراوێک ئاماژه‌ی دا که‌ به‌ مه‌به‌ستی ئاگادار بوونه‌وه‌ له‌ چۆنیه‌تی به‌رهه‌م هاتنی زنجیره‌ درامای سه‌نجه‌ر خان، دوکتور قوتبه‌دین سادقی به‌ ڕاوێژکاری خۆی هه‌ڵبژارد.

به‌ پێی ئه‌م ڕاپۆرته‌، له‌م ڕاگه‌یه‌ندراوه‌دا هاتووه‌: دوکتور قوتبه‌دینی سادقی هێژا، وه‌ک ئاگادارن پڕۆسه‌ی دروست کردنی زنجیره‌درامای سه‌نجه‌ر خان له‌ حالی دروست بوون دایه‌ که‌ دژی داگیرکاری بیانی سه‌رده‌می خۆی شۆڕشی کرد. ئه‌م که‌سایه‌تییه‌ هێشتا ڕه‌هه‌ندی نه‌هێنی یه‌کجار زۆری هه‌یه‌ و هه‌ر به‌م هۆیه‌وه‌ له‌ کوردستان هه‌ستیاری زۆر له‌ سه‌ر ئه‌م که‌سایه‌تییه‌ بوونی هه‌یه‌.

له‌ درێژه‌دا هاتووه‌: هه‌ر به‌م بۆنه‌وه‌ له‌ ئێوه‌ی شاره‌زا له‌ مێژوو و هونه‌ری کوردی داوا ده‌که‌م تاکوو ئه‌رکی ڕاوێژکاری هونه‌ری و ئه‌م چه‌ند بابه‌ته‌ هه‌ستیاره‌ی خواره‌وه‌ له‌ ئه‌ستۆ بگرن:

۱- به‌راوردی نێوان فیلم نامه‌یه‌ و ژیانی ڕاسته‌قینه‌ی سه‌رنجه‌ر خان.

۲- نمایش دانی سیمایه‌کی ڕاسته‌قینه‌ و به‌هێز له‌ که‌سایه‌تی ناوداری سه‌نجه‌رخان.

۳- دووری کردن له‌ ورژاندنی هه‌رجۆره‌ بابه‌تێکی هه‌ستیار که‌ خه‌ڵکی کوردستان هه‌ستیارن له‌ سه‌ری و ناڕاسته‌وخۆ به‌ هۆی نه‌زانییه‌وه‌ نه‌بێته‌ هۆی زیز بوونی خه‌ڵکی کوردستان.

۴- چاودێڕی به‌ر سه‌ر هه‌موو بواره‌کانی زنجیره‌ دراماکه وه‌ک زمان و زاراوه‌ و جل و به‌رگ و داب و نه‌ریتی دروست کوردی و ڕێنوێنی کردنی ده‌رهه‌ێنه‌ری ئه‌م زنجیره‌ دراما مێژووییه‌.

شایانی باسه‌ که‌ بڕیار وایه‌ که‌ زنجیره‌ درامای سه‌نجه‌ر خان و مه‌ستوره‌ خان له‌ ئێران دروست بکرێت و بۆ ئه‌م کاره‌ له‌ هونه‌رمه‌ندانی کورد زیاترین سوود وه‌رده‌گیردرێت.

News Code 17799

نیشانەکان

بۆچوونی ئێوە

You are replying to: .
  • 3 + 3 =