کشانه‌وه‌ی په‌که‌که‌ له‌ شه‌نگال دوای هه‌ڕەشه‌ی تورکیا

فه‌رمانداری شه‌نگال ڕایگه‌یاند که‌ هێزه‌کانی په‌که‌که‌ له‌ ناوچه‌ی شه‌نگال کشاونه‌ته‌وه‌ و ئه‌مه‌ش دوای هه‌ڕشه‌ی هێرشی تورکیا بۆ سه‌ر ئه‌م ناوچه‌یه‌ بوو.

به‌ ڕاپۆرتی ئاژانسی مێهر له‌ سومرییه‌، فه‌هد حامد، فه‌رمانداری شه‌نگال ڕایگه‌یاند که‌ په‌که‌که‌ له‌ شه‌نگال کشاوه‌ته‌وه‌.

ئه‌و زیادی کرد: هێزه‌کانی سه‌ر به‌ په‌که‌که‌ له‌ شه‌نگال کشاونه‌ته‌وه‌. هه‌موویان نزیک به‌ ۱۰۰۰ که‌س بوون که‌ کشاونه‌ته‌وه‌ و هێزی لیوای ۱۵ی سوپای عێراق جێگه‌یانی گرتووه‌ته‌وه‌.

فه‌رمانداری شه‌نگال وتی: هێزکانی په‌که‌که‌ دوای هه‌ڕشه‌ی هێرشی تورکیا له‌م شاره‌ کشاونه‌ته‌وه‌ و من له‌ ده‌وڵه‌تی عێراق داوا ده‌که‌م که‌ لاوانی ئێزدی به‌ پۆلیس و سوپای عێراق وه‌ربگرێت.

شایانی باسه‌ که‌ ئه‌ردۆغان پێشتر چه‌ند جار هه‌ڕه‌شه‌ی کرد که‌ هێرش ده‌کاته‌ سه‌ر شاری شه‌نگال، ئێسته‌ دوای کشانه‌وه‌ی په‌که‌که‌ ئه‌نقه‌ره‌ ڕایگه‌یاندووه‌ که‌ ئه‌گه‌ر په‌که‌که‌ به‌ ته‌واوی نه‌کشێته‌وه‌ دیسان سوور ده‌بن له‌ سه‌ر هێرش کردن.

 تورکیا ئێسته‌ به‌ قووڵایی ۱۵ کیلۆمه‌تر له‌ ناو خاکی هه‌رێم به‌ره‌و قه‌ندیل پێشڕه‌وی کردووه‌ و ده‌یه‌وێت ئه‌م به‌هاره‌ هێرش بکاته‌ سه‌ر په‌که‌که‌، تورکیا ڕایگه‌یاندووه‌ که‌ ئه‌مجاره‌ ئاماده‌ نین قه‌ندیل چۆڵ بکه‌ن و بنکه‌ی سه‌ربازی تێدا دروست ده‌که‌ن.

News Code 17789

نیشانەکان

بۆچوونی ئێوە

You are replying to: .
  • 3 + 0 =