خۆپیشاندانی مامۆستایان و فەرمانبەرانی هەرێمی کوردستان دەستیپێکرد

مامۆستایان و فەرمانبەران لە سلێمانى و کەلار و کۆیە و ڕانیە دژ بە سیستمى پاشەکەوتى موچە دەستیان بە خۆپیشاندانى ناڕەزایەتى کردەوە.

بە ڕاپۆرتی ئاژانسی هەواڵی مێهر لە کەناڵی ئێن ئارتی، خۆپیشاندانى مامۆستایان و فەرمانبەران لە سلێمانى لەبەردەم دادگا و لە کەلاریش لەبەردەم قوتابخانەى لەیلا قاسم و لە کۆیەش لەبەردەم پەروەردەى قەزاکە بەڕیوەدەچێت.

مامۆستایان و فەرمانبەران ڕایانگەیاند: بەردەوام دەبن لە بایکۆتکردنى دەوام تاوەکو جێبەجێکردنى داواکارییەکان.

هاوکات پشتگیرییان کرد لە خۆپیشاندان و ناڕەزایەتى مامۆستایان و فەرمانبەرانى هەولێر و ئیدانەکردنى هێرشکردنەسەر مامۆستایان لەو شارە.

مامۆستایان و فەرمانبەرانى سلێمانى و کەلار و کۆیە ماوەى سێ ڕۆژە لەسەر یەک خۆپیشاندانى ناڕەزایەتى بەڕێوەدەبەن و لە دوو ڕۆژى ڕابردووشدا لە هەریەکە لە شارەکانى هەولێر و دهۆک و چەند ناوچەیەکى ترى هەرێم خۆپیشاندانى ناڕەزایەتى دژ بە سیستمى پاشەکەوتى موچە و دواکەوتنى بەڕێوەچوو.

News Code 17723

نیشانەکان

بۆچوونی ئێوە

You are replying to: .
  • 2 + 7 =