۱۵ هەسارە لە دەرەوەی کۆمەڵەی خۆر دۆزرایەوە

چەند توێژەرێک لە تۆکیۆ ۱۵ هەسارەیان لە دەرەوەی کۆمەڵەی هەتاویدا دۆزیەوە.

بە ڕاپۆرتی ئاژانسی هەواڵی مێهر بە گێڕانەوە لە تەک تامیز، گرووپێک لە توێژەرانی ئەنستیتۆتی تەکنۆلۆژیای زانستگەلی زەوی و ئەستێرەناسی، بوونی ١٥ هەسارە لە دەرەوەی کۆمەڵەی خۆریان پشت‌ڕاست کردەوە.

ئەو هەسارانە بە دەوری ئەستێرەگەلی سووری وردیلەدا دەسووڕێنەوە. K۲-۱۵۵ یەکێک لە ئەستێرە سوورە وردیلەکانە کە لە کۆمەڵەی خۆیدا لەوانی دیکە درەوشاوەترە. ئەو ئەستێرە نزیکەی ٢٠٠ ساڵی نووری لە زەوی دوورە و سێ هەسارە بە دەوریدا دەسووڕێنەوە کە یەک لەوان K۲-۱۵۵dـه کە پێدەچێت خاوەن زێدەوەر و هەلی ژیان بێت.

K۲-۱۵۵d دوورترین هەسارەی سووڕگەی K۲-۱۵۵ـه کە زانایان پێشبینی دەکەن پانتاییەکەی ۱.۶ هێندەی زەوی بێت.

توێژەرانی ژاپۆنی بە کەڵک وەرگرتن لە زانیارییەکانی ڕاسپاردەی دووهەمی کۆپلێر (K۲) و دەرکەوتەکانی تەلەسکۆپی سۆبارۆ لە هاڤایی و تەلەسکۆپی Nordic Opticalی سپانیا ئەو هەسارانەیان دۆزیەوەتەوە.

ئەوان بە کەڵک وەرگرتن لە زانیاریگەل و هاوتاسازیی سێ ڕەهەندییی دۆخی کەش و هەوای جیهانی بەوە گەیشتوون کە لە ئاستی K۲-۱۵۵dدا ئاوی لێیە.

هەڵبەت بۆ دیاری کردنی گەورەیی و ئاستی گەرمای گونجاو بۆ ژیان لەو هەسارانەدا، پێویستیان بە توێژینەوەی زیاترە.

News Code 17491

نیشانەکان

بۆچوونی ئێوە

You are replying to: .
  • 4 + 7 =