بڵاڤگەی گوتار چوار کتێبی کوردی نوێ بڵاوکردەوە

له‌ میانه‌ی چواره‌مین ڕۆژی پێشانگای کتێب له‌ چوار کتێبی کوردی بڵاڤگه‌ی گوتاری سه‌قز ڕوونوێنی کرا.

به‌ ڕاپۆرتی هەواڵنێری مێهر، کتێبه‌کانی خه‌می کاک له‌ وه‌رگێڕانی ئیبراهیم ئیسماعیلی پوور، نیچه‌ له‌ وه‌رگێڕانی ئیبراهیم ئیسماعیلی پوور، گەڕان بەدوای کەلێنێک لە نوویسنی کامیل ئه‌فشار، سینەما ئێدێن له‌ نووسینی مارگارت دوراس و به‌ وه‌رگێڕانی موفیده‌ مه‌زهه‌ر ڕوونوێنی کرا.

له‌ سه‌ره‌تای ئه‌م کۆڕه‌، ڕه‌زا شه‌جێعی به‌ڕێوه‌به‌ری بڵاڤگه‌ی گوتار وتی: سپاسی ئاماده‌بوونی لاینگرانی کتێب له‌م کۆڕه‌ ده‌که‌م و ڕێز ده‌گرین له‌م ده‌رفه‌ته‌ که‌ بۆ ئێمه‌ و ناساندنی کتێب ڕه‌خساوه‌.

ئه‌و زیادی کرد: له‌ چه‌ند ساڵی ڕابردوو کێشه‌ی زۆر له‌ بواری بڵاو کردنه‌وه‌ی کتێب بوومانه‌، به‌ڵام به‌ دڵنیاییه‌وه‌ ده‌توانم بڵێم که‌ کوردستانی ئێران زیاترین پشکی له‌ به‌رهه‌م هێنانی کتێب به‌ زمانی کوردی له‌ سه‌رجه‌م ناوچه‌ کوردنشینه‌کانی ڕۆژهه‌ڵاتی ناڤین هه‌یه‌، ئه‌مه‌ش بۆ ئێمه‌ جێگه‌ی شانازییه‌ که‌ وه‌ک گوتار به‌شێکی بچووک له‌م پڕۆسه‌یه‌ین.

له‌ درێژه‌ی کۆڕه‌که‌، دوکتور ئیبراهیم ئیسماعیل پوور وتی: وه‌رگێڕانی کتێبی فه‌لسه‌فی بۆ زمانی کوردی ئاسته‌نگ و ڕێکاری خۆیی هه‌یه‌، به‌ تایبه‌ت نیچه‌ که‌ زمانێکی ئاسانی نییه‌ و مانا فه‌لسه‌فییه‌کانی زۆر سه‌خته‌ گواستنه‌وه‌یان و ده‌بێت وه‌ک وه‌رگێڕ یه‌کجار هۆشیار بین.

هه‌روه‌ها له‌ درێژه‌دا خاتوو موفیده‌ مه‌زهه‌ر وه‌رگێڕی کتێبی سینه‌ما ئێدێن وتی: کاری فه‌رهه‌نگی به‌رده‌وام خواستی من بووه‌ له‌ ژیانمدا و له‌م ڕێگایه‌ ئه‌وه‌ی له‌ ده‌ستمان هاتووه‌ ئه‌نجامان داوه‌.

ئه‌و زیادی کرد: ئێمه‌ یه‌که‌م گرووپی کوردستان بووین که‌ شانۆنامه‌ی کوردی بۆ منداڵانمان برده‌ سه‌ر سێن، له‌ درێژه‌ی ئه‌م ڕێگه‌یه‌ وه‌رگێڕانی کتێبێکی مارگارت دۆرس و شانۆنامه‌ی کوردی بۆ منداڵان پێشکه‌شی ئێوه‌ ده‌که‌ین و هیوادارین که‌ که‌ڵکی لێببه‌ن.

شایانی باسه‌ له‌ کۆتایی ئه‌م کۆڕه‌ چواره‌ کتێبه‌ کوردییه‌کە ڕوونوێنی کرا.

News Code 17371

نیشانەکان

بۆچوونی ئێوە

You are replying to: .
  • 8 + 10 =