لە چاو ساڵی ڕابردوو;

ئاڵ و گۆڕی بازرگانی لە سنووره‌کانی کوردستان ۵۹ له‌ سه‌د زیادی کردووه‌

ناسەی هەواڵ: 4245906 -
سه‌رۆکی ڕێکخراوی پیشه‌ و کانگا و بازه‌رگانی کوردستان وتی: ئاستی ئاڵ و گۆڕی بازرگانی سنوورەکانی کوردستان له‌ ۱۱ مانگی ڕابردوودا ۵۹ له‌ سه‌د به‌ نیسبه‌ت ساڵی ڕابردوو زیادی کردووه‌.

به‌ ڕاپۆرتی ئاژانسی مێهر، محه‌مه‌د دره‌وه‌زمی، سه‌رۆکی ڕێکخراوی پیشه‌ و کانگا و بازه‌رگانی کوردستان وتی: له‌ ۱۱ مانگی ڕابردوو له‌ سه‌یرانبه‌نی بانه‌ و باشماغ ۵۷۷ هه‌زار تۆن که‌ل و په‌ل به‌ بایه‌خی ۴۱۳ میلیۆن دۆلار هه‌نارده‌ کراوه‌.

ئه‌و زیادی کرد: ڕێژه‌ی هه‌نارده‌ کردن به‌ نیسبه‌ت ساڵی ڕابردوو له‌ ڕووی کێشه‌وه‌ ۴ له‌ سه‌د و له‌ ڕووی ماڵییه‌وه‌ ۳۰ له‌ سه‌د زیادی کردووه‌. زیاد له‌ ۸۰ له‌ سه‌دی هه‌نارده‌ی کوردستان له‌ سنووره‌ی باشماخه‌وه‌ ئه‌نجام ده‌بێت و که‌مترنیان له‌ سنه‌وه‌یه‌ که‌ ۵ له‌ سه‌ده‌.

ده‌ره‌وه‌زمی وتی: نرخی هه‌ر تۆن که‌ل و په‌لێکی هه‌نارده‌ کراو ۷۱۶ دۆلاره‌، ئه‌م بڕه‌ پاره‌یه‌ به‌ نیسبه‌ت ساڵی ڕابردوو ۳۶ له‌ سه‌د زیادی کردووه‌. ئیمه‌ هه‌موو هه‌وڵمان ئه‌وه‌ بووه‌ که‌ هه‌نارده‌ کردن گه‌شه‌ی زیاتر به‌خۆیه‌وه‌ ببینێت و له‌ ۱۱ مانگی ڕابردوو زیاد له‌ ۴۱۱ ملیۆن دۆلار که‌ل و په‌ل هه‌نارده‌ کراوه‌.

ئه‌و ئاماژه‌ی دا: ۶۲ هه‌زار تۆن به‌ بایه‌خی ۶۵ ملیۆن دۆلار له‌ ۱۱ مانگی ڕابردوودا هاورده‌مان بووه‌ که‌ به‌ نیسبه‌ت ساڵی ڕابردوو ۱۰۹ له‌ سه‌د زیادی کردووه‌. به‌ گشتی کۆی ئاڵ و گۆڕه‌کانی ۱۱ مانگی ڕابردووی پارێزگای کوردستان ۳ ملیۆن و ۵۱۵ هه‌زار تۆن  بووه‌ که‌ ۵۹ له‌ سه‌د به‌ نیسبه‌ت ساڵی ڕابردوو زیادی کردووه‌.

ناردنی بۆچوون

6 + 8 =