ئاڵ و گۆڕی سنووری به‌ ئینترنت له‌ بانه‌ ده‌ست پێ دەکات

فه‌رمانداری شاری بانه‌ وتی: ڕۆژی دووشه‌مه‌ی ئه‌م حه‌وتەیە به‌ ئاماده‌ بوونی پارێزگای کوردستان گه‌ڵاڵه‌ی ئاڵ و گۆڕی بازرگانی بە ئینترنت له‌ سنووری سه‌یرانبه‌نی بانه‌ ده‌ست پێدەکات.

به‌ ڕاپۆرتی ئاژانسی مێهر له‌ په‌یوه‌ندییه‌ گشتییه‌کانی فه‌رمانداری بانه‌، محه‌مه‌د فه‌لاحی وتی: ئاڵ و گۆڕی سنووری پیله‌وه‌ره‌کان به‌ ئینترنت بۆ یه‌که‌م جار له‌ سه‌یران به‌نی بانه‌ ده‌ست بە کار دەکات و ۷ ڕه‌شه‌مێ به‌ فه‌رمی ڕوونوێنی ده‌کرێت.

ئه‌و زیادی کرد: ئه‌مه‌ش ده‌بێته‌ هۆی ئه‌وه‌ی که‌ پیله‌وه‌ره‌کان و خه‌ڵکی ناوچه‌که‌ زۆر باشتر و ئاسانتر بتوانن کاره‌کانی خۆیان جێبه‌جێ بکه‌ن. ئه‌مه‌ش به‌ هۆی به‌دواداچوونی باشی نوێنه‌ری بانه‌ و سه‌قز هاتووه‌ته‌ دی که‌ ڕێزمان بۆ ماندوو بوونی هه‌یه‌.

فه‌لاحی وتی: ئه‌م گه‌ڵاڵه‌یه‌ ده‌بێته‌ هۆی ئاسانکاری زۆر زیاتر و ئاڵ و گۆڕه‌کان خێرایی زیاتری تێدا ده‌کرێت. ئه‌م کاره‌ هه‌روه‌ها هاوته‌ریبه‌ له‌گه‌ڵ په‌ره‌دان به‌ ناوچه‌ی ئازادی بانه‌ و ده‌توانێت هه‌لی کاری باش له‌ ناوچه‌که‌ش بڕه‌خسێنێت.

News Code 17096

نیشانەکان

بۆچوونی ئێوە

You are replying to: .
  • 2 + 10 =