تیرۆریزم له‌ ناوچه‌که‌ کۆتایی پێنه‌هاتووه‌

سه‌رۆکی مه‌جلیسی ئێران ڕایگه‌یاند که‌ لاواز کردنی شۆڕش خه‌یانه‌ته‌ و وتی: دروست کردنی بنکه‌ی سه‌ربازی له‌ لایه‌ن ئه‌مریکا و ناردنی ده‌یان لۆری چه‌ک بۆ ناوچه‌که‌ کۆتایی پێبێت، ئێران له‌ دوای ئیمپڕاتۆریه‌وه‌ نییه‌.

به‌ ڕاپۆرتی ئاژانسی مێهر له‌ خانه‌ی میله‌ت، عه‌لی لاریجانی، سه‌رۆکی مه‌جلیسی شۆرای ئیسلامی ئێران ڕایگه‌یاند: ئه‌مریکاییه‌کان وتوویانه‌ که‌ میسر و عه‌ربستان به‌ ده‌یان جار داوایان له‌ واشنتۆن کردووه‌ که‌ تاران بۆردمان بکرێت، ئه‌مه‌ هه‌ڵه‌یه‌ له‌ ڕاستیدا ئه‌وان له‌ دوای نانه‌وه‌ ئاژاوه‌ن و بیانووشیان ئه‌وه‌ی ئێران له‌ دوای زیندوو کردنه‌وه‌ی ئیمپڕاتۆری فارس له‌ ناوچه‌که‌یه‌.

سه‌رۆکی مه‌جلیسی ئێران جه‌ختی کرد: ئێمه‌ له‌ دوای ئیمپڕاتۆری نین چون سه‌رده‌می ئیمۆڕاتۆرییه‌کان تێپه‌ڕ بووه‌، ئێمه‌ له‌ دوای ماف و ڕاستییه‌کانیان، له‌م ۴۰ ساڵه‌دا کامه‌ جار بووه‌ که‌ ئێران هێرش بکاته‌ سه‌ر وڵاتێکی دیکه‌.

ڕاشیگه‌یاند که‌ بڕێک وڵات کاتی خۆی یارمه‌تی سه‌دامیان دا و وتی: له‌ پێناو ئه‌مه‌دا ئێران هه‌رگیز له‌ دوای تۆڵه‌ سه‌ندنه‌وه‌ نه‌بووه‌ چون ئێران ئامانجی زۆر به‌رزتری له‌ ناوچه‌که‌ و جیهاندا هه‌یه‌ که‌ ئه‌وه‌ش ئازاد کردنی بیرۆکه‌ی ئیسلامییه‌.

ئه‌و هه‌روه‌ها وتی: ئێران ڕۆڵی گرنگی له‌ زه‌رب لێدان له‌ تیرۆریسته‌کان له‌ ناوچه‌که‌ بووه‌، هه‌ر ئه‌و که‌سانه‌ی تیرۆریان دروست کرد به‌ شێوه‌یه‌کی نه‌هێنی سه‌رقاڵی گواستنه‌وه‌ی ئه‌وان بۆ شوێنه‌کانی دیکه‌ی ناوچه‌که‌ن.

لاریجانی ئاماژه‌ی دا: ئه‌مریکاییه‌کان ڕۆژانه‌ به‌ سه‌دان لۆری چه‌ک له‌ ناوچه‌که‌ بۆ دژایه‌تی ئێران خاڵی ده‌که‌ن و ئه‌مه‌ش نیشانی ده‌دات که‌ ئه‌وان له‌ دوای کۆتایی هێنان به‌ تیرۆریسته‌کان نین.

زیاتریش وتی که‌ بڕێک لایه‌ن نایانه‌وێت که‌ یه‌کگرتوویی و ئارامی له‌ ناو ئێران سه‌قامگیر بێت و له‌ دوای کێشه‌ نانه‌وه‌ن، جیاوازی بیر و ڕا هه‌میشه‌ بوونی بووه‌، به‌ڵام لاواز کردنی ڕیشه‌کانی شۆڕش خه‌یانه‌ته‌ و نابێت درێژه‌ی هه‌بێت.
 

News Code 17088

نیشانەکان

بۆچوونی ئێوە

You are replying to: .
  • 2 + 0 =