شیعه‌ و سوننه‌ی ئێران له‌ دژوارترین مه‌یدانه‌کاندا یه‌کگرتوون

ڕێبه‌ری باڵای شۆڕشی ئیسلامی ئێران له‌ دیدار له‌گه‌ڵ به‌ڕێوه‌به‌رانی کۆنگره‌ی شه‌هیدانی پارێزگای سیستان و به‌لووچستان، وتیان: شیعه‌ و سوننه‌ له‌ کۆماری ئیسلامی ئێران له‌ دژوارترین دۆخ و مه‌یدانه‌کاندا پێکه‌وه‌ و له‌گه‌ڵ یه‌کترن.

به‌ ڕاپۆرتی ئاژانسی هه‌واڵی مێهر له‌ ماڵپه‌ڕی ڕاگه‌یاندنی نووسینگه‌ی ڕێبه‌ریی، ئایه‌توڵڵا خامنه‌یی  له‌ دیدار له‌گه‌ڵ به‌ڕێوه‌به‌رانی کۆنگره‌ی شه‌هیدانی پارێزگای سیستان و به‌لووچستان،  به‌ ئاماژه‌ به‌ هۆگریی خۆیان له‌گه‌ڵ خه‌ڵکی ئه‌و ناوچه‌یه‌، جه‌ختیان کرد که‌ خه‌ڵکی سیستان و به‌لووچستان، خه‌ڵکێکی خوێن گه‌رم، خۆشه‌ویست و زیره‌کن و له‌ ناو ئیتنیکه‌ ئێرانییه‌کاندا که‌م وێنه‌ و دره‌وشاوه‌ن.

 وتیشیان: ده‌بێ خزمه‌ته‌ پێویسته‌کانی خه‌ڵکی ئه‌م ناوچه‌یه‌ له‌ لایه‌ن به‌رپرسانی باڵای وڵاته‌وه‌ گرینگی پێبدرێت ئه‌مه‌ش له‌ ڕێگای گرینگی دان به‌ که‌رتی تایبه‌ت و یارمه‌تی وه‌رگرتن له‌ سه‌رچاوه‌کانی سندووقی گه‌شه‌ی نه‌ته‌وه‌یی وڵاته‌وه‌ ده‌ڕه‌خسێت.

ڕێبه‌ریی باڵای ئێران،  سیستان و به‌لووجستانیان وه‌ک پارێزگاکانی کوردستان و گولستان به‌ سه‌مبۆلی یه‌کگرتوویی ئیسلامی و نمانه‌ی هاوکاری و ژیانی برایانه‌ی شیعه‌ و سونه‌ بۆ جیهان وه‌سف کرد.

ئایه‌توڵڵا خامنه‌یی به‌ جه‌خت له‌سه‌ر هۆشیاریی له‌ به‌رانبه‌ر دووبه‌ره‌کی نانه‌وه‌ی دوژمنان، وتیان:  شه‌هاده‌تی گه‌نجێکی سوننه‌ بۆ به‌ره‌ڤانی پیرۆز و شه‌هاده‌تی مه‌وله‌ویه‌کی سوننه‌ به‌ هۆی به‌رگری کردنی له‌ شۆڕشی ئیسلامی  به‌ ده‌ستی دژه‌ شۆڕش، نیشان ده‌دات برایانی شیعه‌ و سوننه‌ له‌ کۆماری ئیسلامیدا له‌ دژوارترین مه‌یدانه‌کاندا له‌گه‌ڵ یه‌کترن و ده‌بێ به‌ کاری فه‌رهه‌نگی و هونه‌ری ئه‌م  ڕاستی و یه‌کگرتووییه‌ ڕاسته‌قینه‌ بهێنینه‌ دی.

 ڕێبه‌ری ئه‌وه‌شیان وت که‌ خۆڕاگری کۆماری ئیسلامی له‌ به‌رانبه‌ر نه‌فامی مودیڕن سه‌ره‌ڕای بوونی گه‌مارۆ و هه‌موو پیلانه‌ سه‌ربازی و فه‌رهه‌نگیه‌کانی دوژمنان به‌ هۆی هێزی ئیمان و فیداکاری خه‌ڵکه‌وه‌ بووه‌.

News Code 16870

نیشانەکان

بۆچوونی ئێوە

You are replying to: .
  • 2 + 10 =