ڕۆیترز ڕایگه‌یاند:

هاوکاری دیمه‌شق له‌گه‌ڵ کورده‌کان له‌ عه‌فرین

ناسەی هەواڵ: 4226433 -
ڕۆیترز له‌ زاری به‌رپرسانی کوردی سووریاوه‌ ڕایگه‌یاند که‌ هێزه‌کانی ده‌وڵه‌تی سووریا مۆڵه‌تیان به‌ هێزه‌ کوردییه‌کان داوه‌ تاکوو ئامێره‌ سه‌ربازییه‌کانی خۆیان بۆ ناوچه‌ی عه‌فرین له‌ دژی تورکیا بگوازنه‌وه‌.

به‌ ڕاپۆرتی ئاژانسی مێهر له‌ ڕۆیترز، ئه‌م مێدیا ڕۆژئاواییه‌ باسی په‌یوندی سه‌ربازی نه‌هێنی نێوان کوردی سووریا و دیمه‌شق له‌ ناوچه‌ی عه‌فرین ده‌کات. له‌م ڕاپۆرته‌دا هاتووه‌ که‌ دیمه‌شق یارمه‌تی سه‌ربازی هێزه‌ کوردییه‌کانی نه‌داوه‌ به‌ڵام ڕێگه‌ی داوه‌ تاکوو هێزه‌ کوردیییه‌کان له‌ ناوچه‌کانی دیکه‌وه‌ خۆیان بگه‌یه‌ننه‌ ناوچه‌ی عه‌فرین و شه‌ڕی سوپای تورکیا بکه‌ن.

ڕۆیترز هه‌روه‌ها ئاماژه‌ی داوه‌ که‌ ئه‌م کاره‌ بووه‌ته‌ هۆی ئه‌وه‌ی هێزه‌ کوردییه‌کان بتوانن به‌رگری زیاتر له‌ عه‌فرین بکه‌ن و تورکیا چه‌ڵه‌مه‌ی زیاتر بخه‌نه‌ به‌رده‌م تورکیا.

کینۆ گابریه‌ل، وته‌بێژی هێزه‌ دیموکڕاتیکی سووریا له‌مباره‌وه‌ وتی: بۆ گه‌یشتن به‌ عه‌فرین ڕێگه‌ی جۆراجۆر هه‌یه‌ به‌ڵام سه‌ره‌کی ترین ڕێگه‌ تێپه‌ڕ بوون له‌و ناوچانه‌یه‌ که‌ به‌ ده‌ست دیمه‌شقه‌وه‌یه‌. سه‌باره‌ت به‌ به‌ ناردنی یارمه‌تی بۆ عه‌فرین له‌ نێوان کورد و دیمه‌شق ڕێککه‌وتن کراوه‌.

به‌رپرسانی کوردی سووریا ئاماژه‌یان داوه‌ که‌ ڕاسته‌ کوردی سووریا بۆ گه‌یاندنی یارمه‌تی به‌ عه‌فرین پێویستی به‌ ده‌میشق هه‌یه‌ به‌ڵام ده‌میشقیش پێویستی به‌ گه‌نم و نه‌وت و بابه‌تی دیکه‌ هه‌یه‌ که‌ زۆربه‌یان له‌ ناوچه‌کانی ژێر کۆنترۆڵی ئێمه‌ به‌رهه‌م دێت.

یه‌کێکی دیکه‌ له‌ فه‌رمانده‌کانی کوردی سووریا که‌ نه‌یویست ناوی ئاشکرا بێت وتی: کوردی سووریا له‌ عه‌فرین هیچ ڕێگه‌یه‌کی دیکه‌ی بۆ نه‌ماوه‌ و ته‌نیا ده‌توانێت هاوکاری ده‌وڵه‌تی سووریا بکات، له‌ ڕاستیدا ده‌وڵه‌تی سووریا به‌م کاره‌ یارمه‌تی کوردی سووریا دا له‌ عه‌فرین.

به‌رپرسانی کوردی سووریا هه‌روه‌ها ئاماژه‌یان دا: بڕێک له‌ هێزه‌ کوردییه‌کان له‌ گه‌ڕه‌کی شێخ مه‌قسوودی حه‌ڵه‌ب خۆیان گەیاندووەتە عەفرین.

ئاڵدار خه‌لیل به‌ ڕۆیترز وتی: ئێمه‌ له‌ ڕێگه‌ی ڕووسیاوه‌ هه‌وڵمان دا تاکوو ده‌میشق ڕازی بکه‌ین له‌ سنووره‌کانی عه‌فرین که‌ به‌شێکه‌ له‌ سووریا به‌رگری بکه‌ن، به‌ڵام ئه‌وان ڕازی نه‌بوون، ئێسته‌ که‌ ئه‌وان له‌ سنووره‌کانی سووریا به‌رگری ناکه‌ن لانیکه‌م ده‌بێت ڕێگه‌ بده‌ن تاکوو وڵات پارێزانی سووریا به‌ره‌و عه‌فرین بڕۆن شه‌ڕی سوپای داگیرکه‌ری تورکیا بکه‌ن.

ناردنی بۆچوون

8 + 1 =