جێگری وه‌زیری ده‌ره‌وه‌ی ڕووسیا هه‌واڵی دا:

ئه‌گه‌ری به‌ڕێوه‌ چوونی کۆبوونه‌وه‌ی ئێران , ڕووسیا و تورکیا له‌ ئاستانه‌

ناسەی هەواڵ: 4226400 -
جێگری وه‌زیری ده‌ره‌وه‌ی ڕووسیا هاواکت له‌گه‌ڵ هۆشدار سه‌باره‌ت به‌ دۆخی ئاڵۆزی ڕۆژهه‌ڵاتی ناڤین، جه‌ختی کرد که‌ مانگی داهاتوو له‌ نێوان ئێران و ڕووسیا و تورکیا له‌ ئاستانه‌ کۆبوونه‌وه‌ به‌ڕێوه‌ ده‌چێت.

به‌ ڕاپۆرتی ئاژانسی مێهر له‌ سپۆنتیک، میخائیل بوگدانۆف، جێگری وه‌زیری ده‌ره‌وه‌ی ڕووسیا ڕایگه‌یاند که‌ ڕووسیا و ئێران و تورکیا دوای گفتوگۆ ده‌یانه‌وێت جارێکی دیکه‌ له‌ ئاستانه‌ کۆبوونه‌وه‌ی ۳ قۆڵی ئه‌نجام بده‌ن.

به‌ پێی لێدوانی جێگری وه‌زیری ده‌ره‌وه‌ی ڕووسیا ئه‌م کۆبوونه‌وه‌ له‌ مانگی مارس و له‌ ئاستی وه‌زیرانی ده‌ره‌وه‌ی هه‌ر ۳ وڵات به‌ڕێوه‌ ده‌چێت، ئه‌مه‌ له‌ حاڵێک دایه‌ که‌ بوگدانۆف وتبووی که‌ ڕۆژی خولی داهاتووی ئاستانه‌ دیاری نه‌کراوه‌.

ئه‌و هه‌روه‌ها وتی: مسکۆ له‌ سه‌ر ئه‌م بڕوایه‌ که‌ پڕۆسه‌ی ئاشتی ئاستانه‌ گرنگی خۆیی هه‌یه‌ چون دانوستانه‌کانی ژێنڤ به‌هێز ده‌کات. بڕیار وایه‌ که‌ سه‌باره‌ت به‌ په‌نجه‌مین ناوچه‌ی که‌م ناکۆک واتا عه‌فرین له‌م کۆبوونه‌وه‌ دانوستان ئه‌نجام بدرێت.

بوگدانۆف هه‌روه‌ها به‌ نیسبه‌ت به‌رز بوونه‌وه‌ی ناکۆکییه‌کان له‌ ڕۆژهه‌ڵاتی ناڤین له‌ دوای هێرشه‌کانی ئیسڕائیل هۆشداری دا و زیادی کرد: ڕووسیا له‌ هه‌موو لایه‌نه‌کان داوا ده‌کات که‌ دان به‌خۆیاندا بگرن.

ئه‌و هه‌روه‌ها سه‌باره‌ت به‌م پرسیاره‌ که‌ ئایا ئێران له‌ نزیک پاڵمیرا بنکه‌ی سه‌ربازی هه‌یه‌، وتی: ئاگاداری ئه‌م بابه‌ته‌ نیم.

پێشتر ڕژیمی زایۆنی پاگه‌نده‌ی کردبوو که‌ ئێران له‌ بنکه‌ی ئاسمانی تی ۴ له‌ نزیک شاری پاڵمیرا بۆ ناردنی چه‌ک له‌ سووریا که‌ڵک ده‌بات.

ناردنی بۆچوون

3 + 1 =