کاردانه‌وه‌ی مێدیا جیهانییه‌کان به‌ ڕێپێوانی ۲۲ ڕێبه‌ندانی ئێران

ڕێپێوانی ۲۲ ڕێبه‌ندانی ئێران کارانه‌وه‌ی زۆری له‌ جیهاندا بووه‌ و زۆربه‌ی مێدیاکانی جیهان ڕاپۆرتیان لێ بڵاوکردووه‌ته‌وه‌.

به‌ ڕاپۆرتی ئاژانسی مێهر، هه‌ر له‌مباره‌وه‌ ئه‌سۆشێتێدپرێس و ئه‌ی بی سی نیوز له‌ میانه‌ی ڕاپۆرتێکدا ئاماژه‌یان به‌ به‌شداری شکۆمه‌ندی خه‌ڵک له‌م ڕێپێوانه‌دا کرد و نووسیان: سه‌ره‌ڕای ناڕه‌زایه‌تی خه‌ڵک له‌ دۆخی ئابووری زۆربه‌ی خه‌ڵکی ئێران به‌شداری ئه‌م ڕێپێوانه‌یان کرد.

کاناڵی ڕاشا توده‌ی ڕێپێوانی ساڵوه‌گه‌ڕی سه‌رکه‌وتنی شۆڕشی ئیسلامی ڕاسته‌وخۆ  بڵاو کرده‌وه‌. ئه‌م کاناڵه‌ ئاماژه‌ی دا: ئێرانییه‌کان به‌ ڕێپێوانی به‌خرۆش جارێکی دیکه‌ یادی سه‌رکه‌وتنی شۆڕشی ئیسلامیان کرده‌وه‌. به‌رپرسانی باڵای حکومه‌تیش به‌شداریان کردبوو. 

گۆڤاری دێنیشی پاکستانیش له‌ ڕاپۆرتێکی تایبه‌تدا باسی ڕێپێوانی ۲۲ی ڕێبه‌ندانی کرد و نووسی: چه‌ندین میلیۆن که‌س له‌ ئێرانییه‌کان به‌شداری ساڵوه‌گه‌ڕی سه‌رکه‌وتنی شۆڕشی ئیسلامیان کرد. خه‌ڵکی ئێران جارێکی دیکه‌ نیشانیان دا که‌ دژایه‌تی حکومه‌تی شاهه‌نشاهی ده‌که‌ن  له‌ دوای دادپه‌روه‌ری و ئازادین.

ماڵپه‌ڕی ئه‌لنه‌شره‌ش له‌مباره‌وه‌ نووسی: ڕێپێوان له‌ شاره‌ جیاوازه‌کان به‌ ملیۆنی ئه‌نجام بوو. له‌م ڕێپێوانه‌ به‌رپرسانی باڵای ئێران و حه‌سه‌ن ڕۆحانی به‌شداریان کرد.

کاناڵی ئه‌لمه‌یادین ئاماژه‌ی به‌ ڕێپێوانی ۲۲ ڕێبه‌ندان کرد و نووسی: هه‌موو پارێزگاکانی ئێران به‌شداری ئه‌م ڕێپێوانه‌یان کرد و جارێکی دیکه‌ دژایه‌تی خۆیان بۆ حکومه‌تی شاهه‌نشاهی ده‌ربڕی.

ماڵپه‌ڕی ئه‌لعه‌هد نووسی که‌ له‌ هه‌مان کاتژمێره‌ سه‌ره‌تاییه‌کانی ڕۆژی ۲۲ی ڕێبه‌ندان خه‌ڵکێکی زۆر به‌شداری ئه‌م یاده‌یان کرد و حه‌سه‌ن ڕۆحانیش له‌ میه‌دانی ئازادی ده‌ستی به‌ قسه‌ کردن کرد.

سی ئێن ئێن هه‌روه‌ها ڕاپۆرتی دا: به‌ ملیۆنان که‌س به‌شداری ڕێپێوانی ساڵوه‌گه‌ڕی ۲۲ی ڕێبه‌ندانی ساڵی ۱۹۷۹یان کرد. 

ئه‌م کاناڵه‌ زیادی کرد: شه‌قامه‌کان پڕ بوو که‌ خه‌ڵکی ئێران. ڕێپێوانی ئێرانییه‌کان له‌ سه‌رتانسه‌ری ئێران به‌ڕێوه‌ چوو که‌ تێیدا دروشمی نه‌مان بۆ ئه‌مریکا و ئسیڕائیل بانگه‌واز کرا.

ئاماژه‌شی دا: هێزه‌ سه‌ربازییه‌کانی ئێران له‌م ڕێپێوانه‌ توانی سه‌ربازی خۆیان جارێکی دیکه‌ نمایش کرد.

هه‌روه‌ها ئاژانسی سانای سووریا هه‌موو ڕووداوه‌کانی ئه‌م ڕۆژه‌ی بڵاو کرده‌وه‌.

ئه‌م ئاژانه‌ نووسی: سه‌ره‌ڕای گوشاره‌کان، ئێران سه‌ربه‌خۆیی سیاسی خۆی به‌هێز ده‌کات. حاکمیه‌تی ئێران به‌ نیسبه‌ت ڕابردوو به‌هێزتر بووه‌.

سانا زیادی کرد: ئێران نزیک به‌ ۴۰ ساڵه‌ درێژه‌ی به‌ ڕێگه‌ی خۆی له‌ بواره‌ جیا جیاکاندا داوه‌ چ زانستی، سه‌ربازی و ئابووری بێت.

ئه‌م ئاژانسه‌ یه‌کێک له‌ گه‌وره‌ترین کارامه‌ییه‌کانی ئێرانی به‌ سه‌رربه‌خۆ بوونی ئه‌م وڵاته‌ ناو برد.

News Code 16838

نیشانەکان

بۆچوونی ئێوە

You are replying to: .
  • 6 + 4 =