گه‌لی سه‌ربه‌رزی ئێران! وره‌ و هۆشیاریی ئێوه‌ ڕووداوێکی بێ وێنه‌ی خولقاند

ڕێبه‌ری باڵای شۆڕشی ئیسلامی ئێران به‌ ده‌رکردنی په‌یامێک وێرای سپاس و پێزانین له‌ ئاماده‌بوونی به‌شکۆی خه‌ڵک له‌ ڕێپێوانی ۲۲ی ڕێبه‌ندان، جه‌ختیان کرد: گه‌وره‌یی ڕێپێوانی ئێوه‌ وڵامێکی ده‌مکوت که‌ر بۆ دوژمنان بوو.

 به‌ ڕاپۆرتی ئاژانسی هه‌واڵی مێهر، ئایه‌توڵڵا خامنه‌یی له‌ په‌یامێکدا سپاسی خه‌ڵکی ئێرانیان کرد که‌ به‌شکۆتر له‌ ساڵانی ڕابردووش به‌شداریی ڕێپێوانی ۲۲ی ڕێبه‌ندانیان کرد.

 ده‌قی په‌یامه‌که‌ی ڕێبه‌ی به‌م شێوه‌ بڵاوبووه‌ته‌وه‌؛

بسم الله الرحمن الرحیم

گه‌لی ئازیز و سه‌ربه‌رزی ئێران! ئه‌مڕۆ وره‌ و هۆشیاری ئێوه‌ ڕووداوێکی گه‌وره‌ و بێ وێنه‌ی خولقاندووه‌. گه‌وره‌یی ڕێپێوانه‌که‌ی ئێوه‌ که‌ به‌ لای چاودێرانه‌وه‌، له‌ ساڵانی ڕابردوو به‌شکۆتر بوو، وڵامێکی ده‌مکوت که‌ری به‌ دوژمنانی بیانی و به‌ڵێن له‌رزۆکان دایه‌وه‌. دوژمن به‌ پشت به‌ستن به‌ گێرانه‌وه‌ی به‌تاڵ و که‌م و کورتی خۆی له‌ ئێران و ئێرانی، هه‌موو توانا و هه‌وڵی پڕوپاگه‌نده‌یی خۆی له‌سه‌ر ئه‌وه‌ دانا که‌ ۲۲ی ڕێبه‌ندانی ئه‌مساڵ بێ فه‌ڕ و ئه‌گه‌ریش کرا به‌ پێچه‌وانه‌ هه‌ڵگه‌ڕنێته‌وه‌.

ئێوه‌ به‌ کرده‌وه‌ زیندووبون و بزۆزی شۆڕشتان پێیان نیشان دا و پابه‌ند بوون به‌ ئارمانجه‌کانی ئیمامی کۆچکردووتان له‌ دروشمه‌کانتاندا به‌ ده‌نگی به‌رز ڕاگه‌یاند. تانه‌ی گه‌لی ئێران پاشه‌کشێ به‌ دوژمن ده‌کات و هێز و هاوکێشه‌ هه‌ڵه‌کانیان تێکده‌دات.

 به‌رپرسانی وڵات ده‌بێ ڕێز له‌م دیارده‌ بێ وێنه‌ بگرن و به‌ خۆڕاگری ته‌واو و ڕۆحیه‌ی شۆڕشی وکرده‌وه‌ی جه‌هادی خزمه‌تی گه‌لی ئازیز بکه‌ن و به‌رگری بکه‌ن له‌ ئارمانجه‌کانی شۆڕش.

داهاتوو هی گه‌لی هۆشیاری ئێمه‌یه‌. ئێمه‌ به‌رپرسان ده‌بێ هه‌وڵ بده‌ین له‌ گه‌ل به‌جێنه‌مێنین.

  ولا تهنوا و لاتحزنوا و انتم الأعلون ان کنتم مؤمنین

والسلام علیکم و رحمت الله

News Code 16837

نیشانەکان

بۆچوونی ئێوە

You are replying to: .
  • 4 + 3 =