۸۰۰ ملیار تمه‌ن پڕۆژه‌ لە کوردستان جێبەجێ دەبێت/پاڵاوگه‌ی زێرابی بانه‌ که‌وته‌ کار

بەڕێوەبەری شەریکەی ئاو و زێرابه‌کانی کوردستان وتی: له‌ ئێستادا زیاتر له‌ ۸۰۰ ملیار تمه‌ن پڕۆژه‌ی ئاو و زێرابه‌کان له‌ کوردستان له‌ حاڵی جێبه‌جێ بوون دایه.

به‌ ڕاپۆرتی ئاژانسی مێهر، محه‌مه‌د حسه‌ین محه‌مه‌دی له‌ ڕێوڕه‌سمی کردنه‌وه‌ی پاڵاوگه‌ی زێرابی بانه‌ وتی: دابین کردنی به‌شێک له‌ ته‌ندروستی خه‌ڵکی کوردستان له‌ ئه‌ستۆی ئیداره‌ی ئاو و زێرابه‌کانی کوردستانه‌، به‌ تایبه‌ت دروست کردنی پاڵاوگه‌ی زێراب به‌ ستانداردی جیهانی.

محەمەدی زیادی کرد: ۳۴۵ هه‌زار کۆنترۆڕی ئاو بۆ ماڵه‌کانی کوردستان کێشراوه‌ که‌ زیاتر له‌ یه‌ک ملیۆن ۱۳۲ هه‌زار که‌س له‌ کوردستان له‌ لایه‌ن ئێمه‌وه‌ ئاویان بۆ دابین ده‌کرێت که‌ ۹۲ له‌ سه‌دی خه‌ڵکی شاره‌کانی کوردستانن. ئێمه‌ هه‌موو هه‌وڵمان ئه‌وه‌یه‌ که‌ ئاوێکی خاوێن و ته‌ندروست بۆ خه‌ڵک دابین بکه‌ین.

ڕاشیگەیاند: به‌ گشتی کوردستان توانی ئه‌وه‌ی هه‌یه‌ که‌ ۱۳۵ ملیۆن مه‌تری سێجا ئاو دابین بکات که‌ ساڵی ۹۶ بڕیار درا ۱۰۹ ملیۆن مه‌تری سێجا دابین بکه‌ین. ئێسته‌ ۶ پاڵاوگه‌ی زێراب و ۱۲۰ ئاڵقه‌ چای ئاو که‌ له‌ ئاوی ژێرزه‌وی سوود ده‌به‌ن له‌ کوردستاندا هه‌یه‌. به‌ گشتی ئێمه‌ ۶۳ ملیۆن مه‌تری سێجا ئاوی چۆم و به‌نداوه‌کان و ۴۴ مه‌تری سێجا ئاوی ژێرخاکی کوردستانمان که‌ڵک بردووه‌.

محه‌مه‌دی وتی: به‌ گشتی ۷۱ له‌ سه‌دی زێرابه‌کانی کوردستان له‌ ئێستادا ده‌پاڵێورێت، که‌ ئه‌مه‌ش ئاستێکی زۆر باشه‌ و ئێمه‌ به‌رنامه‌مان هه‌یه‌ که‌ بیکه‌ینه‌ ۱۰۰ له‌ سه‌د چون بۆ خاوێن بوونی ژینگه‌ یه‌کجار گرنگه‌. به‌ گشتی ۶۸ ملیۆن مه‌تری سێجا زێراب له‌ ئێستادا له‌ کوردستان له‌ ساڵدا خاوێن ده‌کرێته‌وه‌.

ئه‌و سه‌باره‌ت به‌ بانه‌ وتی: به‌رز بوونه‌وه‌ی شارۆمه‌ندانی بانه‌یی به‌ نیسبه‌ت شاره‌کانی دیکه‌ کوردستان زۆر بووه‌ له‌ چه‌ند ساڵی ڕابردوودا، ئه‌مه‌ش کێشه‌ی ئاوی خواردنه‌وه‌ی بۆ بانه‌ دروست کردووه‌. ئه‌گه‌ر کاری پێویستمان ئه‌نجام نه‌ده‌دا ئێسته‌ ۱۰۰ له‌ سه‌د خه‌ڵکی بانه‌ بێ ئاو بوون. 

به‌رپرسی ئابفای کوردستان ئاماژه‌ی دا: پڵاوگه‌که‌ی بانه‌ له‌ چرکه‌یه‌کدا ده‌توانێت ۲۵۰ لیتر زێراب خاوێن بکاته‌وه‌ ستانداردی جیهانی هه‌یه‌ و زیاتر له‌ ۶ ملیار تمه‌ن بۆدجه‌ی بۆ سه‌رف کراوه‌.

News Code 16754

نیشانەکان

بۆچوونی ئێوە

You are replying to: .
  • 2 + 0 =