ڕێپێوانی خه‌ڵکی پاریس لە دژایەتی هێرشی تورکیا بۆ عه‌فرین

هەزاران کەس لە خه‌ڵکی دانیشتووی شاری پاریس به‌ مه‌به‌ستی پشتیوانی کردن له‌ کوردی سووریا و ئیدانه‌ کردنی هێرشی داگیرکارانەی تورکیا بۆ سه‌ر عه‌فرین له‌ باکووری سووریا ڕێپێوانیان کرد.

به ڕاپۆرتی ئاژانسی مێهر له‌ ماڵپه‌ڕی تامپا بی، خۆپیشانده‌ران له‌م ڕێپێوانه‌ لافیتەی دروشمی ئیدانه‌ی کردنی ده‌وڵه‌تی تورکیا و پشتیوانی کردن له‌ کوردی سووریا و هێزه‌ کوردییه‌کانی سووریایان له‌ ده‌ست گرتبوو.

خۆپیشانده‌ران له‌ به‌رپرسانی فه‌ڕه‌نسا و وڵاتانی دیکه‌ی ئه‌ورووپا داوایان کرد تاکوو به‌ر به‌ هێرشی داگیرکاریی تورکیا بۆ سه‌ر ناوچه‌ی عه‌فرین بگرن و له‌مباره‌وه‌ بڕیارێکی یه‌کلاکه‌ره‌وه‌ بده‌ن.

هه‌روه‌ها دوێنێ له‌ شاره‌کانی کۆڵنی ئاڵمانیا و له‌نده‌نی بریتانیاش ڕێپێوان به‌ مه‌به‌ستی پشتیوانی له‌ کوردی سووریا به‌ڕێوه‌ چوو.

شایانی باسه‌ که‌ ده‌وڵه‌تی فه‌ڕه‌نسا و زۆربه‌ی وڵاتانی ئه‌ورووپایی داوایان کردووه‌ که‌ تورکیا هێرشه‌کانی کۆنترۆڵ بکات و کێشه‌کانی به‌ دانوستان له‌گه‌ڵ کوردی تورکیا چاره‌سه‌ر بکات و بگه‌ڕێته‌وه‌ بۆ پڕۆسه‌ی ئاشتی.

تورکیا زیاتر له‌ یه‌ک حه‌فته‌یه‌ که‌ به‌ بیانۆی دابین کردنی ئه‌منیه‌ت هێرشی داگیرکاری بۆ سه‌ر خاکی عه‌فرین له‌ باکووری سووریا ده‌ست پێ کردووه‌ و به‌ هۆی بۆردمان و تۆپارانه‌کانی سوپای ئه‌م وڵاته‌ به‌ سه‌دان هه‌زار که‌سی سڤیل ئاواره‌ بوون. 

News Code 16463

نیشانەکان

بۆچوونی ئێوە

You are replying to: .
  • 9 + 7 =