کۆمه‌ڵگای جیهانی هیچ کارێکی بۆ دژایه‌تی تورکیا له‌ عه‌فرین نه‌کردووه‌

به‌ڕێوه‌به‌ری پلانه‌ی ئاشتی و مافی مرۆڤی زانکۆی کۆلۆمبیای ئه‌مریکا له‌ سه‌ر ئه‌م بڕوایه‌یه‌ که‌ کۆمه‌ڵگای جیهانی هیچ کارێکی بۆ به‌ر گرتن له‌ هێرشی تورکیا بۆ سه‌ر عه‌فرین نه‌کردووه‌.

ئاژانسی مێهر، به‌شی نێونه‌ته‌وه‌یی، جه‌واد حه‌ریرنیا: ماوه‌ی زیاتر له‌ حه‌فته‌یه‌که‌ که‌ تورکیا هێرشی داگیرکاری بۆ سه‌ر شاری عه‌فرین له‌ باکووری سووریا ده‌ست پێ کردووه‌ و ئه‌م کاره‌ش به‌ پێچه‌وانه‌ی هه‌موو ڕێککه‌وتن و یاسا نێونه‌ته‌وه‌ییه‌کانه‌.

له‌م نێوانه‌دا چه‌ندین مامۆستا و که‌سایه‌تی ناسراوی جیهان له‌ نامه‌یه‌کدا داوایان له‌ جیهان کرد که‌ ڕێگه‌ی نه‌ده‌ن که‌ جارێکی دیکه‌ کۆبانی له‌ عه‌فرین دووباره‌ ببێته‌وه‌ که‌ بریتی بوون له‌ نوام چامسکی، مایکل والزر، داوید فلیپس، داوید هارۆی، مایکل هاردت و داوید گرابێر.

له‌م نێوانه‌دا له‌گه‌ڵ داوید فیلیپس، ڕاوێژکاری پێشووی ده‌وه‌ڵه‌تی بیل کلینتۆن گفتوگۆیه‌کمان ئه‌نجام داوه‌ که‌ یه‌کێک بووه‌ له‌و که‌سانه‌ی ئه‌م نامه‌یه‌ی واژۆ کردووه‌.

له‌ نامه‌که‌ ڕاسته‌وخۆ له‌ ئه‌مریکا و ئێران و ڕووسیا داوا کراوه‌ ڕێگه‌ نه‌ده‌ن که‌ تورکیا هه‌مان سیناریۆی کۆبانی له‌ عه‌فرین دووباره‌ بکاته‌وه‌ و کاره‌ساته‌ مرۆڤییه‌کان بخوڵقێته‌وه‌.

* گرنگی نووسینی ئه‌م نامه‌یه‌ له‌ چی دا بوو؟

ئه‌م نامه‌ به‌م گرنگییه‌وه‌ نووسرا که‌ کۆمه‌ڵگای جیهانی له‌ هێرشی داگیرکاری تورکیا ئاگادار ببێته‌وه‌ و هۆشدارام دا به‌ کۆمه‌ڵگای جیهان سه‌باره‌ت به‌ دروست بوونی قه‌یرانێکی دیکه‌ی مرۆڤی له‌ عه‌فرین.

به‌داخه‌وه‌ سه‌باره‌ت به‌ هێرشی داگیرکاری تورکیا بۆ سه‌ر عه‌فرین ئێمه‌ هیچ کاردانه‌وه‌یه‌کی باش و کاریگه‌رمان له‌ کۆمه‌ڵگای جیهانی نه‌دیوه‌.

 * باشه‌ بۆچی کۆمه‌ڵگای جیهانی هێرشی داگیرکاری تورکیا بۆ سه‌ر عه‌فرین ئیدانه‌ ناکات؟

تورکیا به‌ بیانۆی ئه‌وه‌ی که‌ ئه‌ندامی ناتۆیه‌، ده‌یه‌وێت ئه‌م هێرشه‌ بشارێته‌وه‌، به‌ڵام له‌ ڕاستیدا ئه‌م ئه‌ندام بوونه‌وه‌ی تورکیا له‌ ناتۆ ته‌نیا ئاستی ناوێک دایه‌ که‌ له‌م ڕێکخراوه‌دا هه‌یه‌.

هۆکاره‌که‌شی ئه‌وه‌یه‌ که‌ تورکیا له‌ دوای توندڕه‌وی ئیسلامییه‌ و ئه‌م چه‌ند ساڵه‌ په‌ره‌ی به‌ ئه‌و دروشمانه‌ داوه‌ که‌ له‌ دژی ئه‌مریکایه‌ و مافی مرۆڤ له‌ به‌ر چاو ناگرێت و به‌رده‌وام پێشێلی ده‌کات.

هه‌ر به‌م هۆیانه‌ تورکیا لێهاتوویی ئه‌ندام بوون له‌ ناتۆی نییه‌ که‌ ده‌بێت هه‌موو ئه‌مانه‌ له‌بارچاو بگرێت و جێبه‌جێیان بکات. ئه‌گه‌ر بڕیار وابوو که‌ ئه‌مڕۆ تورکیا ببوایه‌ته‌ ئه‌ندامی ناتۆ لێهاتووی ته‌ڤڵ بوون به‌ ناتۆی نه‌ده‌بوو.

تورکیا له‌ لایه‌که‌وه‌ به‌رده‌وام ده‌ڵێت هاوپه‌یمانی ئه‌مریکام و به‌جۆرێک به‌م هاوپه‌یمانییه‌تییه‌ خۆی گرتووه‌. به‌ڵام هه‌ر ئه‌م بابه‌ته‌ بووه‌ته‌ هۆی کێشه‌ و ناکۆکی له‌ جیهان و ناوچه‌که‌ و ئێسته‌ تورکیا بووه‌ته‌ دوژمنی ستراتیژیکی ئه‌مریکا.

 * ئاماده‌ بوونی ئه‌مریکا و تورکیا له‌ سووریا به‌ یه‌ک جۆره‌، هه‌ر دوو لا بێ ئه‌وه‌ی ده‌وڵه‌تی سووریا ڕازی بێت چوونه‌ته‌ ئه‌م وڵاته‌، ڕای ئێوه‌ چییه‌؟

بۆ ئه‌مریکا بابه‌ته‌که‌ جیاوازه‌، کوردی سووریا داوای یارمه‌تیان له‌ واشنتۆن کرد و ئه‌وانیش له‌ کاتی کۆبانی چون به‌ده‌م ئه‌م داواکارییه‌. به‌ڵام له‌ به‌رانبه‌ردا له‌ ڕوانگه‌ی کوردی سووریاوه‌ تورکیا داگیرکه‌ره‌ و وه‌ک ده‌میشق له‌ هێزی سه‌ربازی تورکیا له‌م وڵاته‌ ده‌ڕوانن. له‌م ڕوانگه‌وه‌ ئه‌وان ده‌لێن تورکیا به‌ مه‌به‌ستی تایبه‌ت به‌ خۆی به‌شێک له‌ خاکی سووریای داگیر کردووه‌ و به‌جۆرێک داگیرکارییه‌.

له‌م نێوانه‌دا لام وایه‌ که‌ پێویسته‌ ئه‌مریکا له‌ نێوان ڕۆڵی ڕووسیا و یارمه‌تی و پشتیوانی تورکیا بۆ گرووپه‌ جیهادی و تیرۆریستییه‌کان له‌ سووریا ته‌وازۆنێک دروست بکات.

News Code 16457

نیشانەکان

بۆچوونی ئێوە

You are replying to: .
  • 4 + 9 =