دەستگیری ١٥٠  کەس لە تورکیا بە تاوانی ناڕەزایەتی بە ئۆپراسیۆنی عەفرین

۱۵۰ که‌س بە تاوانی ناڕەزایەتی دەربڕین له‌ تۆڕه‌ کۆمه‌ڵایه‌تییه‌کان هاوپەیوەند به‌ هێرشه‌که‌ی تورکیا بۆ سه‌ر عه‌فرین، ده‌ستگیر کران.

بە ڕاپۆرتی ئاژانسی هەواڵی مێهر بە گێرانەوە لە هەواڵدەریی ئانادۆلو، له‌ گەڵ دەسپێکی هێرشی تورکیا بۆ سه‌ر کانتۆنی کوردنشینی عه‌فرین، تاکوو ئێستا ۱۵۰ که‌س به‌ هۆی ناڕەزایەتی دەربڕین له‌ تۆڕه‌ کۆمه‌ڵایه‌تییه‌کاندا هه‌مبه‌ر به‌م ئۆپه‌راسیۆنه، له ‌لایه‌ن هێزه‌ ئه‌منییه‌کانی ئه‌و وڵاته‌ ده‌ستگیر کراون که‌ جگە لە ١١ کەسیان، ئەوانی دیکەیان بە مەرج ئازاد کراون.

بە گوێرەی ئەم راپۆرتە، تۆمه‌تی ئه‌و که‌سانه‌ "بانگه‌شه‌ بۆ گرووپی تیرۆریستیی په‌که‌که‌" ڕاگەیێندراوە.

تورکیا یه‌کینه‌کانی پاراستنی گه‌لی سووریا (YPG) به‌ لقی سووریای په‌که‌که‌ ده‌زانێت و بانگەشەی ئەوەی کردووە کە ئەم هێرشەی بۆ سه‌ر عه‌فرین دژ به‌ په‌که‌که‌یه‌.

کاربه‌ده‌ستانی تورکیا ناڕاسته‌وخۆ هۆشداریان داوه‌ کە هەر جۆرە ناڕەزایەتی دەربڕینێک هەمبەر بەو ئۆپه‌راسیۆنه‌، دژایه‌تی له‌ گه‌ڵ حکوومه‌تی تورکیا و پشتیوانی له‌ تیرۆریزمه‌.

News Code 16356

نیشانەکان

بۆچوونی ئێوە

You are replying to: .
  • 9 + 5 =