بە راپۆرتی ئاژانسی هەواڵی مێهر لە ئاژانسی ئانادۆڵ، یڵدرم لە کۆنگرەیەکی ڕۆژنامەنوسیدا ڕاگەیاندووە "ھەنگاوی یەکەمی ئۆپەراسیۆنەکە بە رێگەی یەکینەکانی ئاسمانی سوپای تورکیا ئەنجامدرا و زۆربەی ئامانجەکان خاپوور کران".
سەرۆک وەزیرانی تورکیا ئەوەشی وتووە کە "کاتی ئەنجامدانی ئۆپەراسیۆنەکە زۆر بە وردی خوێندنەوەی بۆ کرابوو جیا لەمەش ئەو ئۆپەراسیۆنە زۆر گرنگە. ناوەکەشی مانادارە و چالاکییەکانیشی".
سەرۆکوەزیرانی تورکیا ئەوەشی وتوە کە "ئەوەی سەرنجڕاکێشە ئەو ئۆپەراسیۆنە ھەم لە رووی دیپلۆماسی، ھەم لە رووی ھێزە چەکدارییەکان و ھەمیش لە رووی رای گشتییەوە بە باشی پلانی بۆ دانراوە ".
یڵدرم ڕاشیگەیاندووە: "ئەم ئۆپەراسیۆنە مافێکی شەرعی تورکیایە لە چوارچێوەی یاساکانی نێودەوڵەتی و بڕیارەکانی نەتەوە یەکگرتووەکان. ئۆپەراسیۆنەکە ناوی ئۆپەراسیۆنی لقی زەیتوونە. ئامانجی ئۆپەراسیۆنەکە دەستەبەرکردنی ئاشتی، ئاسوودەیی و خۆشگوزەرانییە".
سەرۆکوەزیرانی تورکیا لەبارەی ئامانجی ئۆپەراسیۆنەکە رایگەیاندووە: "ئامانجی کۆماری تورکیا، ھەرگیز زیانگەیاندن نییە بە یەکپارچەیی خاکی سووریا. ئامانجی ئێمە لەم ئۆپەراسیۆنە پاراستنی سنوورەکانی باشوورمانه و رێگرییە لە ھێرشکردنە سەر ناوچەی قەڵغانی فوڕات و پاراستنی خەڵکی سڤیلە لە شارەکانی سەر سنووری تورکیا. "
پاگەندەی ئەوەشی کردووە کە " یەکێک لە ئامانجەکانی دیکەی ئەم ئۆپەراسیۆنە بریتییە لە رزگارکردنی برایانی کورد، عەرەب و تورکمانەکانی عەفرین لە گوشار و ستەمی رێکخراوی پەیەدە".
ئەوەش لەکاتێکدایە کە دوێنێ ڕەجەب تەیب ئەردۆغان سەرۆک کۆمارى تورکیا ڕایگەیاند، ئۆپهراسیۆنی عهفرین به كردار له گۆڕهپاندا دهستی پێكردووه، دوای ئهویش نۆرهی منبجه.
Your Comment