نه‌ته‌وه‌ یه‌کگرتووه‌کان جه‌ختی له‌ ده‌ستکه‌وته‌کانی به‌رجام کرد

وته‌بێژی ئه‌مینداری گشتی نه‌ته‌وه‌ یه‌کگرتووه‌کان له‌و وڵاتانه‌ی که‌ به‌رجامیان واژۆ کردووه‌ داوای کرد تاکوو پێبه‌ند بن به‌ به‌رجام و ده‌ستکه‌وته‌کانی.

به ڕاپۆرتی ئاژانسی مێهر له‌ ماڵپه‌ڕی نه‌ته‌وه‌ یه‌کگرتووه‌کان، ستفان دۆجاریک، وته‌بێژی ئه‌منیداری گشتی نه‌ته‌وه‌ یه‌کگرتووه‌کان جه‌ختی کرد که‌ ئانتۆنیۆ گوترش داوای کردووه‌ که‌ به‌رجام ده‌بێت بمێنێته‌وه‌ و پیشێل نه‌کرێت.

ئه‌و له‌ میانه‌ی ڕاگه‌یه‌ندراوێک که‌ به‌ هۆی دووهه‌مین ساڵوه‌گه‌ری به‌رجام بڵاوی کردووه‌ته‌وه‌ ئاماژه‌ی داوه‌ که‌ گوترش له‌ سه‌ر ئه‌م بڕوایه‌ که‌ نیگه‌رانییه‌کان سه‌باره‌ت به‌ پڕۆسه‌ی جێبه‌جێ کردنی به‌رجام ده‌بێت له‌و ڕێگه‌وه‌ ئه‌نجام بێت که‌ له‌ خودی به‌رجامدا دیاری کراوه‌.

له‌م ڕاگه‌یه‌ندراوه‌دا جه‌خت کراوه‌ ئه‌و بابه‌تانه‌ی که‌ په‌یوه‌ندی ڕاسته‌وخۆیان به‌ به‌رجامه‌وه‌ نییه‌ نابێت زه‌رب له‌ به‌رجام بدات.

له‌ به‌شێکی دیکه‌ی ئه‌م ڕاگه‌یه‌ندراوه‌ هاتووه‌ که‌ به‌رجام ده‌ستکه‌وتێکی گه‌وره‌ی جیهانی بۆ به‌رگری کردن له‌ په‌ره‌سه‌ندی بۆمبی ناڤۆکییه‌ و بووه‌ته‌ هۆی ئاشتی و سه‌قامگیری ناوچه‌که‌ و جیهان.

هه‌روه‌ها له‌م ڕاگه‌یه‌ندراوه‌ جه‌خت کراوه‌ که‌ ئێران پێبه‌ند بووه‌ به‌ هه‌موو ئه‌و به‌ڵێنانه‌ی که‌ له‌ به‌رجامدا داویه‌تی.

News Code 16170

نیشانەکان

بۆچوونی ئێوە

You are replying to: .
  • 8 + 10 =