تورکیا ئۆتۆمبیلێکی هێزه‌ کوردییه‌کانی له‌ لازقییه‌ ته‌قانده‌وه‌

ئه‌لمه‌یادین ڕایگیه‌اند که‌ ئۆتۆمبیلێکی سه‌ربازی هێزه‌ کوردییه‌کانی له‌ لازقییه‌ی سووریا ته‌قاندووه‌ته‌وه‌ و هه‌موو که‌سه‌کانی ناو ئه‌م ئۆتۆمبیله‌ش کوژراون.

به‌ ڕاپۆرتی ئاژانسی مێهر له‌ مه‌یادین، هێزه‌کانی تورکیا ئۆتۆمبیلی هێزه‌ کوردییه‌کانی له‌ جه‌به‌ل تورکمان له‌ ده‌وروبه‌ری پارێزگای لازقییه‌ی سووریای ته‌قاندووه‌ته‌وه‌.

به‌ پێی ئه‌م ڕاپۆرته‌، هه‌موو که‌سه‌کانی ناو ئه‌م ئۆتۆمبیله‌ کوژراون.

ئه‌مه‌ له‌ حاڵێک دایه‌ که‌ ئه‌نجومه‌نی ئاسایشی تورکیا له‌ کۆبوونه‌وه‌یه‌کی به‌ په‌له‌ مۆڵه‌تی به‌ حکومه‌ت داوه‌ تاکوو هێرش بکاته‌ سه‌ر عه‌فرین، هه‌ر کاتێک به‌ پێویستی بزانێت.

ئه‌م کۆبوونه‌وه‌ به‌ به‌شداری ئه‌ردۆغان و چه‌ندین که‌سایه‌تی ئه‌منیه‌تی تورکیا به‌ڕێوه‌ چووه‌.

شایانی باسه‌ که‌ هاوپه‌یمانی دژه‌ داعش به‌ سه‌رۆکایه‌تی ئه‌مریکا دوو ڕۆژ پێش ئێستا ڕایگه‌یاند که‌ هێزێکی نوێی ۳۰ هه‌زار که‌سی بۆ پاراستنی سنووره‌کانی سووریا له‌ دژبه‌ره‌کانی دیمه‌شق دروست ده‌کات، ئه‌مه‌ش تورکیای زیاتر تووڕه‌ کرد.

به‌رپرسێکی باڵای سه‌ربازی تورکیا ڕایگه‌یاند که‌ هۆکاری بانگهێشت کردنی باڵوێزی ئه‌مریکا بۆ ئه‌نقه‌ره‌ له‌ لایه‌ن وه‌زاره‌تی ده‌ره‌وه‌ی تورکیاوه‌ ئه‌م بابه‌ته‌ بووه‌.

بڕیار وایه‌ که‌ ئه‌م هێزه‌ ۳۰ هه‌زار که‌سیه‌ له‌ ژێر چاودێڕی هێزه‌کانی دیموکڕاتیکی سووریا پێک بێت که‌ زۆربه‌یان کوردن و له‌ لایه‌ن ئه‌مریکاوه‌ پشتیوانی ده‌کرێن.

News Code 16164

نیشانەکان

بۆچوونی ئێوە

You are replying to: .
  • 4 + 1 =